________________
तरंगलाला
तत्थ पुहइए-पहाणं रमणिज्जुज्जाण-काणणोववणं । रायगिहं तु (?) पअगा(डा?) मर-नगरं ॥ १६ तत्थासि कोणिओ नाम विउल-बल-कोस-संपया-जुत्तो। रिउ-जीविआण कालो मित्त-सुकालो पुहइ-पालो ।। १७ समर-परक्कम-निज्जिय-अवणामिय-सयल सत्तु-सामंतो।। जिय-सव्वदोस पसरो कुल वंस-विभूसणो सूरो ॥ १८ तित्थयरस्स भगवओ वीरस्स विलीण-राग-दोसस्स । सो सासणम्मि रत्तो जर-मरण-विमोक्खण करम्मि ॥ १९ तस्सासि तया तणु-जीव-रक्खओ सव्व-पयइ-मण-कंतो। कुल माण-सील-विण्णाण-नाण-जुत्तो नगर-सेट्ठी ॥ २० सोहग्गवइ गहवइ व सोमा पिय-दंसणा पिया तस्स । पच्चक्खं धणपालो धणपालो नाम नामेण ॥ २१ तस्संतियम्मि वसहिम्मि सिद्धि मग्ग-परिगाहणुज्जुत्ता । बहु-सिस्सा-परिवारा जिण-वयण-विसारया गणिणी ॥ २२ कोमार बंभयारी बहुविह-नियमोक्वास तणुयंगी । एक्कारसंग-संपुण्ण-धारिया सुव्वया नाम ।। २३ तिस्सा विणीय विणया सिस्सा पारंतचारिया(?) काइ । छट्ठस्य पारणट्ठ कय-नियमावस्सया काले ॥ २४ जिण-वयण-निउण-निच्छिय सुइ-कलणोड्डिय-समाण-खुड्डीया । संघाडएण हिंडइ दुक्ख-क्खय-कारणा भिक्खं ।। २५ तस-पाण-बीय-हरिए दग-मट्रिय-संकुले विवज्जंती। पाण-दयट्ठाय महिं जुग-प्पमाणं निरिक्खंती ।। २६ लद्धाविलद्ध-निंदिय-रोस-प्पसाय-समत्था सा (?) । सुत्त विरुद्धे-य घरे लोय विरुद्ध य वज्जंती ॥ २७ सा किंचि अट्रय-घर परिवाडी-पडियमइगया अज्जा। धवलब्भ-गण-समूह व चंदलेहा नहयलसि ॥ २८ सा तत्थ अणाबाहा ववगय-तस-पाण-बीय-हरियम्मि । एसण-सोहण-जोग्गे ठायइ य घरंगणुदेसे ।। २९
पेच्छिज्जइ तत्थ ठिया घर मंदिर-किंकरीहिं जुवईहिं । सा रूव-विम्हिय-माणसाहिं विप्फारियच्छीहिं ।। ३० दळूण तय ताओ विलयाओ संलबति सहियाओ । 'दे धावह अणवज्जं दच्छिह लच्छी-निहं अज्जं ।। ३१ बहु-लोय-तणुइएहिं असं-ठविय-लट्ठएहिं अग्गेहिं । पयई निद्वहिं संकुचिएहिं केसेहिं सोहंती ॥ ३२
Jain Education International
For Private & Personal Use Only
www.jainelibrary.org
