________________
१९४
तरंगलोला
पेस-जणस्स य हत्थे सव्वे ते भूसणे निसिरिऊण । भणिओ धरह इमे ता अम्हं अम्मा-पिऊणं ति ।।१५४० भणहि य दुक्ख-विभीया नाणा-जोणि-परिहिंडणुव्विग्गा । ऊर (?)-सरणुव्वेय-करं सामण्णं ते पवण्ण त्ति ॥१५४१ तेसिं च विणय-खलियं खमह य किर सुहुम बादरं सव्वं । मत्तेहि पमत्तेहि य जं होज्ज कयं कयाई पि ॥१५४२ एवं सोऊणम्हं णे सहसा उ कुवियं परियणेण । परियण-सहिया आधाविया य ता नाडइज्जाओ ।।१५४३ सोऊण क्वसिय ते पडिया तो पिययमस्स पाएसु । मा नाह अणाहाओ परिच्चएज्ज त्ति बेतीओ ॥१५४४ पाय-वडियाहि केहिं वि पियस्स घरिणी पसाय-कामाहिं । बलि-कम्मं चेवकयं अलय-पडिय-पुप्फ-पुंजेहिं ॥१५४५ अपरिस्सम रमिएहिं मणसा इच्छिय-सयं-गिहीएहिं । जुत्तो सि सव्व कालं मणोरह-मएहिं सुरएहिं ॥१५४६ जइ वि य रइ-परिभोगं न लभामो ते सया निकेयम्मि । अच्छीहिं पेच्छिउं जे तह वि तुमं इच्छिमो निच्चं ॥१५४७ अच्छेप्पो वि समाणो फुरिय-कुमुय पंडरो कुमुथ-सोहो । कस्स न करेइ पीई सकल-विमल-मंडलो चंदो ॥१५४८ एयाणि य अण्णाणि य ताओ कलुणाणि विलवमाणीओ । तव चरण-विग्धं पियस्स काउं ववसियाओ ।।१५४९ तं कलुणं उवसग्गं मण-बाघायं तओ अगणयंतो । भोग-विरत्तो रत्तो पारत्त-सुहावहे धम्मे ॥१५५० लुंचइ कुसुमुम्मिस्से केसे कोसे य तहि अगणयंतो । वेरग्ग-समावण्णो पव्वज्जा-निच्छिय-मतीओ ॥१५५१ सयमेव लुइय-सिरया अहं पि समणस्स तह य पाएसु । पडिया पिएण समयं दुक्ख विमोक्खं कुणह मे त्ति ॥१५५२ तो तेण जहुवइट्ठ कयं सामाइयं तहिं अम्हं । एकंगियं पि जं तं उच्छूढं सोग्गतिं नेइ ॥१५५३ पाणवह-मुसावाय-अदत्ता मेहुण-परिग्गहा विरती । राई-भोयण-विरती य तेण बद्धाविया अम्हं ॥१५५४ गहिया य उत्तर-गुणा अट्ठ उभा तव-चरण-लुद्धेहिं । अप्पडिबद्धेहिं पुणो जीविय-मरणे सरीरे य ॥१५५५
Jain Education International
For Private & Personal Use Only
www.jainelibrary.org
