________________
१७४
सरंगलोला
सामा थण-जुयलालंकियल्लिया पीण-पीवर नियंबा । मिउ-भणिय-विसय हसिरी मुहेण चंदं विलंबंती ।।१३९१ राजीव-तंब नयणा जोव्वण-गुण-राइ-मंडिय-सरीरा । कसण-तणु रोमराई वणराई नाम नामेणं ।।१३९२ सोल्लं वर-प्पसण्ण रूवं वर कामिणी य मय-कलिया । किसल-सयणं च सया सोक्खं वाहत्तणे एयं ॥१३९३ कीस न होही सोक्खं वाहत्तणे तणु-बलम्मि साहीणे । जेसि किमिच्छिय सुहं अच्छत्ति निही अरण्णेसु(?) ॥१३९४
वाही-भुय-परिरंभण-पीण-पओहरहि बद्ध-रागो हं। वारुणि-मंड-तणुइओ सुरय-किलंतुढिओ कल्लं ॥१३९५ मय-संग-मोर-पिच्छ-द्धयाकुलं सरस-रुहिर-परिसित्त । नमिऊण मुदिय-मणसो थाणं वाहाण देवीए ॥१३९६ अह अण्णया कयाई गिम्हे हं गहिय-कंड-कोयंडो। अंसावसत्त तुंबो वाहच्छेत्तं(?) गओ रणं ॥१३९७ वण कुसुम बद्ध-वे डो(?) उवाहणुप्पीलिएहि पाएहिं । अग्गि-करणी य अरणी बद्विय(?) कोयंड-पट्टम्मि ॥१३९८ वण-हत्थि मग्गंतो दंत-मुसल-कारणाय परितंतो । आहिंडिऊण रणं गओ निवाणं नई गंग ॥१३९९ तत्थ य पव्वयमेत्त पञ्चग्ग-वणंतर-वियारिणं पस्सं । हाउत्तिण्णं भई एकल्लयं हत्थि ॥१४०० दळूण तं अपुव्वं अयं हियएण संविचितेमि । नहु गंगा कच्छ-वणंतरुट्टिओ होइमो हत्थी ॥१४०१ जो गंगा-कच्छ-वणम्मि होइ बहु-विविह-रुख-गहणम्मि । सुह-फरिस-वाल केसो तस्स इमं लक्खणं होइ ॥१४०२ एसो पुण अण्ण-वणाउ आगओ दसण विरहिओ जइ वि । वाह-कुल रक्खगट्ठा तहा वि हंतव्वओ एसो ॥१४०३
एवं कय-संकप्पेण तो मए वाह-कुल-रक्खण-निमित्त । हत्थिस्स पेसियं तं जीविय-निदारणं कंडं ॥१४०४ अह तेण य उड्डीणो सहसा खण कुंकुमो नयलस्स । पुव्व कयंत-निजुत्तो विद्धो कंडेण चक्काओ ।।१४०५
Jain Education International
For Private & Personal Use Only
www.jainelibrary.org
