________________
तरंगलाला
वण्ण-रस-रूव-गंधा(?)सद्द-फरिस-गुण-विरहिओ निच्च । जीवो अणाइ-निहणो जिणवर-दिट्ठो निरवसेसो ॥१३२३ [सो] सासओ अजोणो अणिदिओ इंदियत्थ-परिहीणो । अप्पा अणाइ-निहणो विण्णाण-गुणो य णायव्यो ।।१३२४ जो चिदुइ काय-गओ जो सुह-दुक्खस्स वेयगो निच्चो । विसय-सुह-जाणओ वि य सो अप्पा होइ णायव्वो ।।१३२५ उवओग-जोग-इच्छा-वियक-नाण-गुण-चेट्टिय-गुणेहिं ।। [अप्पा]. अणुमायव्वो अग्गेज्झो इंदिय-गुणेहि ॥१३२६ चिता-वेयण-सण्णा विण्णाणं धारणा [य] बुद्धी य । ईहा मई वियको जीवस्स उ एय लिंगाइं ।।१३२७ जो चिंतेइ सरीरे अस्थि हु जीवो त्ति सो हु सो अप्पा । न हु .जीवम्मि अ-संते संसय-उप्पायओ अस्थि ॥१३२८ रोयइ हसइ य भूसइ बोहेइ झाइ वित्तसइ । उक्कंठइ रमइ पुणो जीवो कम्माणुभावेण ।।१३२९ अग्घाइ सुणइ पासइ रसमासायइ य वेदए फरिसं । इंदिय-गुणेहिं पंचहिं काय-गओ बुद्धि-यारेहिं ॥१३३०
परिणामेण निबंधति जीवो कम्मं सुभं व. अ-सुभं वा । तिविह-पओग-पवुत्तो मण-वयसा-काय-जोगेहिं ॥१३३१ रत्तो विरयइ कम्मं जीवो मुंचइ विरागयं पत्तो । एसो जिणोवदेसो समासओ बंध-मोक्खस्स।।१३३२ सो अण्णत्तो मुंचइ अण्णत्तो बज्झइ य बहुयरेण । कम्मेण गूढ-सत्तो मंथो विव गागरुम्मंथे ।।१३३३ अण्णत्तो मुच्चंतो गेण्हंतो कम्म-रासिमण्णत्तो । संसार-जंत-जुत्तो भमति घडी-जंत-जोगेणं ॥१३३४ सुभ-जोगो देव-गतिं वच्चइ मज्झिम-गुणेहिं माणुस्स। मोहेण य तिरिय गतिं नरयं पुण पाव-बहलेणं ॥१३३५ राग-दोस-अनिग्गह-समुट्ठिया वसि(?)णिया जिणवरेहिं । तस्स (?) समुदिट्ठा य आगमा कम्म-बंधस्स ।।१३३६ पाणवह-मुखावाया अदत्त-मेहुण-परिग्गहा कोहो । माप्सो ... माया . लालो [मओ] भयमरइ दुगुंछा य ॥१३३७ मण-वयण-काय-जोगे य मंगुले मिच्छ-दसण-पमाआ । पिसुणत्तणमण्णाणं अभिग्गहो इंदियाणं च ।।१३३८ एते अज्झवसाणेण संजुया वणिया जिणवरेहि । अट्ठ-विहस्स वि कम्मस्स बंध-हेऊ समासेण ॥१३३९
Jain Education International
For Private & Personal Use Only
www.jainelibrary.org
