________________
१४६
तरंगलाला
इट्टि-समिद्धो-गुण-जाययं बहु-जणं करेमाणा । नीमो पणासकाओ बहु-विपणि-समिद्ध-वोहीओ ॥११७१ अप्प-च्छंद-सुहेण य गच्छता तत्थ राय-मग्गग्मि । दीसंता अति दूरं जणेण दिट्ठी-सहस्सेण ।।११७२ मित्त घर-संतिएणय जणेण निद्रेण तत्थ अणबद्धा । इइढीए अण्ण-जण-दुल्लहाए निहम्मिया बाहिं ॥११७३ ठवियं तु पवहणं सारहिणा वयणेण अजउत्तस्स । आरुहइ य पिओ वि तहि तो सो संपत्थिओ तत्तो ॥११७४ पेच्छामि पाउहारीउ सालि-वण-मंडलाणि तुंगाणि । आमोय-मणहारे सभा-पवाओ य पेच्छता ॥११७५
विडि-पेल्लियं च पंथे ओवरियंत्तेल(?) काम-वासारिं । समइमिया य सणियं पत्ता वासालिय-ग्गामं ।।११७६ पत्तल-विसाल सालं सासय-गिरि-कूट-सष्णिहं तत्थ । पहिय-जण-विम्हख-करें वास-घरं पक्खि-संघाणं ॥११७७ बडं पायव महल्लं पेच्छामो लट्ठयं ति काऊण । अह तत्थ अंति-वासी इमाणि वयणाणि भाणीय ।।११७८ निग्गंथ-धम्म-तित्थस्स देसओ सील-संबर-नियत्थो । छउमत्था परिवुत्थो एत्थं किर बद्धमाण-जिणो ॥ १७९ वासाआलमिहं जं आसी ओस्थिओ महावीरो । चासालियं ति तो किर गामं संनिवसियं नाम ॥११८० अमर-नर-जक्ख-रक्खस-गंधव्व-खयर सहस्स पणिवइओ। जिणघर भत्तीए इमो तो पूयं पावइ वडो त्ति ॥११८१ साऊण तस्स एयं आइण्णा पवहणा दुयग्गा वि । साहट्ट-रोम कूवा हासुस्सुय माणसा अहियं ॥११८२ पञ्चक्खं व जिणवरं मण्णता उत्तमाए भत्तीए । सीसेण वंदमाणा वडस्स मूले निवइया मो ॥१२८३ बेमि य णं पंजालया तरुवर धण्णो सि तं कयत्थो य । जं ते इह छायाए अच्छीय जिणो महावीरो ॥११८४ अच्चेऊण वडं तं काऊण पयाहिणं च तिक्खुत्तो। पवहणमारूढा मो पुट्टि तुहि च वहमाणा ॥११८५ दठूण वंदिऊण य नीसिहियं तत्थ वद्धमाणस्स । संवेग-जाय-हासा. मण्णामि कयत्थमप्पाणं ।। १८६
Jain Education International
For Private & Personal Use Only
www.jainelibrary.org
