Page Text
________________
२१.००
तरंगलोला
भवणवर-पडिदारे पासगय-वयंसयं सुह-निसणं । तं कंतं एक्कंते थियाए दाएइ मे दासी ॥ ८०७ सव्व-ट्ठा(?)ण-मणोहारि कन्न-परिवाहिणी(?) पवाहें तो। उइओ व्व सव्वरीए सारय-ससि दीव-मालाणं ।। ८०८ तं पेच्छिउं अणिमिसा कज्जल-मल-सामला महं । बाह भरियच्छि-मज्झा अच्छी इच्छं न पूरंति ।। ८०९ जं सो चिरस्स दिट्ठो इट्ठो चक्काय-जाइ-पब्भट्ठो । तस्स पडिपूरणत्थं चिरं पि इच्छामि णं दर्छ ।। ८१० अच्छिीहिं विचयाहिं (?) ताहे नियएहिं बाह-पुण्णेहि । जं सो चिरस्स दिट्ठो चिरमवि न निरंतरं दिह्रो ॥ ८११ दिट्ठो त्ति पहठ्ठाओ अच्छामो तत्थ एग-पासम्मि । तत्थाउल-विलियाओ अइगमण-ससंकिया अम्हे ॥ ८१२ अम्हं पि भागधेग्जेहिं तेण वीसज्जिमा पिय-वयंसा । पेच्छह कोमुइ-चारं अहमवि एत्थं निवज्जामि ।। ८१३ तेसुं गएसु तो भणइ चेडिया एहि वश्चिमो ताब । तं चक्कवाय-पटुं दटुं . सेट्ठी घर समीवं ॥ ८९४ तत्थ भवणेगदेसं समासिय [थग]थगंत-हियया हैं । अच्छामि [अ]गणोडेसे दासी-संगया तस्स ॥ ८१५ आभरण-वसण-संथवण-वावडा तो समागमुक्कंठा । काममिव देह-बद्धं पिय पकामं पलोएमि ॥ ८१६ विणय-रइयंजलिउडं चावडियं पेच्छिऊण अह चेडिं । बहु-माण-ससंभंतो अह कंतो उढिओ सहसा ॥ ८१७ जत्तो चेब य अच्छं लज्जाए(?) विलिया [य] पच्छण्णा। तत्तो चेव य हुत्तो चेडीए समं समवसरिओ ॥ ८१८ तो हरिस-पूरियच्छो दूई अंगुलि पुडे गहेऊणं । भणइ परितोस-पायड-पहट्ट-वयणो इमं वयणं ॥ ८१९ जीविय-तलाय-पाली,मज्झं सोक्खणी(सोक्खाण खाणि) सहयरीसा। हियय-घर-वासिणी मे अवि हट्ठा सामिणी तुझं ॥ ८२० अहयं खु मयण-सर-पसर-वहिय-हियओ सुह न विदेमि । ताए समागम-कारण-मणोरहेहिं(?) हीरंतो ॥ ८२१ काऊणं ववदेसं निरंतरा दूइ पिय-वयंसा मे । वीसज्जियया पेच्छह कोमुइ-चारं ति सव्वे वि ॥ ८२२ पट्ठविऊण य मित्ते अहं पिउ-क्कंठियं विणेउ जे । तुब्भं चेव · य भवणं गंतुमणो पट्टयं दटुं॥ ८२३ तं वसिमे इह दिट्ठा तुट्ठिए नट्ठो य मे हियय-सोओ। भण द्वइ जं सि भणिया पियाए तं इच्छिमो सोउं ॥ ८२४
Jain Education International
For Private & Personal Use Only
www.jainelibrary.org
| SR No. | 004633 |
| Book Title | Samkhitta Taramgavai Kaha |
| Original Sutra Author | N/A |
| Author | H C Bhayani |
| Publisher | L D Indology Ahmedabad |
| Publication Year | 1979 |
| Total Pages | 324 |
| Language | Gujarati, Sanskrit |
| Classification | Book_Gujarati & Literature |
| File Size | 13 MB |