________________
જે જે કહ્યું તે કાન ન ધારે, આપ મતે રહે કાલો,
સુર નર પંડિત જન સમજાવે, સમજે ના મહરો સાલો. હો કુંથુ. ૬ અર્થ : આ મનને હું ઘણું સમજાવું છું પણ મારી વાત કાને ધરતું જ નથી અને પોતાની રીતે જ ચાલી કાલો (Stupid) થઈને કુટાય છે. મોટા પંડિતો અને મહાનુભાવો ગમે તેટલું સમજાવે પણ સાલો સમજતો જ નથી.
મેં જાણ્યું એ લિંગ નપુંસક, સકલ મરદને ઠેલે,
બીજી વાત સમરથ છે નર, એહને કોઈ ન જેલે. હો કુંથુ. ૭ અર્થ મારા જાણવામાં આવ્યું છે કે આ નાન્યતર જાતિનું મન મોટા મોટા મરદોને પણ હંફાવે છે. બીજી દરેક રીતે સમર્થ પુરુષ પણ મનને ઝીલી શકે તેમ નથી.
મન સાધ્યું તેણે સઘળું સાધ્યું એક વાત નહીં ખોટી,
એમ કહે સાધ્યું તે નવિ માનુ, એક હિ વાત મોટી. હો કુંથુ. ૮ અર્થ કહેવાય છે કે “મન સાધ્યું તેણે સઘળું સાધ્યું આ કહેવત ખોટી નથી. કોઈ એવો દાવો કરે કે, “મેં મારા મનને સાધી લીધું છે' તો આવો દાવો હું સહેલાઈથી માનવા તૈયાર નથી. આવો દાવો કરવો તે મોટી વાત (tall Talk) છે.
મનડું દુરાધ્ય તેં વશ આપ્યું, તે આગમથી મતિ આણું,
આનંદધન પ્રભુ માહરૂં આણો, તો સાચું કરી જાણે. કુંથુ. ૯ અર્થ શાસ્ત્રોના વાચનથી હું જાણી શક્યો છું (મતિ આણું) કે આવા દુરાધ્ય મનને પણ હે પ્રભુ, તમોએ વશ કર્યું છે પરંતુ પ્રભુ, મને એવી શક્તિ આપો તો તમોએ મનને વશ કર્યું છે તે વાત આત્માનુભવથી પણ જાણી શકું.
આનંદધન-સ્તવનો જ સ્તવન-૧૭
Jain Education International 2010_04
For Private & Personal Use Only
www.jainelibrary.org