Jain Dharma Vigyanni Kasotie Ke Vigyana Jain Dharmni Kasotie

SR No.: 004553
Original Sutra Author: N/A
Author: Nandighoshvijay
Publisher: Bharatiya Prachin Sahitya Vaigyanik Rahasya Shodh Sanstha
Publication Year: 2003
Total Pages: 96
Language: Gujarati
Classification: Book_Gujarati & Science
File Size: 5 MB

Page 78

શોધ હસ્ફી ડેવીડ નામના વિજ્ઞાનીએ કરેલ, તેના બળતણમાં વપરાતા દ્રવ્યથી ભરેલ જાર અર્થાત્ કાચની બરણી તેના મુખ પાસે જ ફૂટી જતાં, અકસ્માત્ થયો. તે અકસ્માતુમાં 'માઇક મે એ સંપૂર્ણપણે ડાબી આંખ ગુમાવી દીધી અને જમણી | આંખનો કોર્નિયા બળી ગયો. તે રીતે તે સંપૂર્ણ અંધ બની ગયો.
ત્યારબાદ અંધત્વ સામે ઝઝૂમી તેણે કેટલીય મહાન સિદ્ધિઓ પ્રાપ્ત કરી. દિખતો માણસ જે રીતે કાર્ય કરે તેના કરતાં પણ વધુ સારી રીતે, સૂક્ષ્મ રીતે, ઝીણવટથી અને ઝડપી એ બધાં જ કાર્યો કરતો રહ્યો. અંધ માણસોની પર્વત/ટેકરીઓ ઊતરવાની સ્કીઈંગ હરિફાઈમાં તે વર્લ્ડ રેકોર્ડ ધરાવતો હતો. સ્પર્ધામાં સીધા ચઢાણવાળા 'બ્લેક ડાયમંડ નામના પર્વત ઉપરથી તે કલાકના 35 માઈલની ઝડપે નીચે ઊતરી આવતો હતો. આ સંપૂર્ણ અંધ 'માઇક મેને ઈ. સ. 2000ના માર્ચ મહિનામાં તેને દૃષ્ટિ આપતું એક ઑપરેશન કરી જમણી આંખમાં કૉર્નિયા બેસાડવામાં આવ્યો અને 20 માર્ચે તેની પટ્ટી ખોલવામાં આવી ત્યારે તેને દૃષ્ટિ મળી ગઈ હતી. તેની પત્ની તથા તેનાં બાળકો પર તેની દૃષ્ટિ પડી. તે જમણી આંખે બધું જ જોઈ શકતો હતો. આમ છતાં તે દૃષ્ટિ દ્વારા સ્પષ્ટપણે કોઈને પણ ઓળખી શકતો નહોતો.
આપણને સામાન્ય રીતે ખબર છે કે આપણી આંખ કૉર્નિયા (પારદર્શક પટેલ) અને લેન્સ (નેત્રમણિ) એમ બે લેન્સ ધરાવે છે. વસ્તુમાંથી નીકળતા અથવા પરાવર્તિત થતાં પ્રકાશનાં કિરણો આ બે લેન્સ દ્વારા તેની પાછળ રહેલ રેટિના (નેત્રપટલ) ઉપર પડે છે અને એક પ્રતિબિંબ રચે છે. આ પ્રતિબિંબને જ્ઞાનતંતુઓ દ્વારા મગજના ચક્ષુરિન્દ્રિય દ્વારા થતા અનુભવને ઓળખનાર દૃષ્ટિ કેન્દ્રને પહોંચાડાય છે અને આ દષ્ટિ કેન્દ્ર તે સંકેતોનો સંપૂર્ણ અભ્યાસ કરી વસ્તુના સંપૂર્ણ સ્વરૂપની આત્માને ઓળખાણ કરાવે છે. છે પરંતુ 'માઇક મેને દૃષ્ટિ મળી ગયા પછી પણ તે દૃષ્ટિ દ્વારા સામે રહેલા. પદાર્થને સ્પષ્ટપણે ઓળખી શકતો નથી. તેની દૃષ્ટિ સંપૂર્ણ સ્વચ્છ છે, આમ છતાં તેનું મગજ એ દશ્યનું પૃથક્કરણ કરી શકતું નથી. માઇક મે'ને આંખ દ્વારા જે માહિતી મળે છે તેને ઉકેલવાનું તેનું મગજ શીખ્યું નથી એટલે મગજમાં એ જાતની પ્રક્રિયા થતી નથી.
ડૉ. વિહારી છાયાએ કૉપ્યુટરની પરિભાષામાં આ તકલીફનું પૃથક્કરણ કરી બતાવ્યું છે. કોમ્યુટરમાં હાર્ડવેર અને સોફ્ટવેર નામના બે પ્રોગ્રામ / કાર્યક્રમ આવે છે. તે જ રીતે આપણું શરીર એ કુદરતનું અદ્વિતીય કૉપ્યુટર જ છે. આંખ તેનો જ એક ભાગ છે. તેમાં કૉર્નિયા, રેટિના, નેત્રમણિ (લેન્સ) વગેરે હાર્ડવેર છે. જ્યારે આંખ દ્વારા જેનું દર્શન કરવામાં આવે છે અને તેને અનુભવ સ્વરૂપે છેક આત્મા સાથે જોડવાનું કામ મન અને મગજ નાં દૃષ્ટિ કેન્દ્રની કાર્યશીલતા સ્વરૂપનું