________________ (5) नैषधीयचरितम् :: एकविंशः सर्गः ] [ 647 त्वद्वाचः स्तूतये वयं न पटवः पीयूषमेव स्तूमस्तस्यार्थे गरुडामरेन्द्रसमरः स्थाने स जानेऽजनि / द्राक्षापानकमानमर्दनसृजा क्षीरे दृढावज्ञया यस्मिन्नाम धृतोऽनया निजपदप्रक्षालनानुग्रहः // 160 / / 5 शोकश्चेत्कोकयोस्त्वां सुदति ! तुदति तद्व्याहराज्ञाकरस्ते गत्वा कुल्यामनस्तं वजितुमनुनये भानुमेतज्जलस्थम् / बद्धे यद्यञ्जलावप्यनुनयविमुखः स्यान्ममैकग्रहोऽयं दत्त्वैवाभ्यां तदम्भोञ्जलिमिह भवतीं पश्य मामेष्यमाणम् 161 तदानन्दाय त्वत्परिहसितकन्दाय भवती 10 निजालीनां लीनां स्थितिमिह मुहूर्तं मृगयंताम् / इति व्याजात्कृत्वालिषु चलितचित्तां सहचरी __ स्वयं सोऽयं सायंतनविधिविधित्सुर्बहिरभूत् // 162 / / श्रीहर्ष कविराजराजिमुकुटालंकारहीरः सुतं श्रीहीरः सुषुवे जितेन्द्रियचयं मामल्लदेवी च यम् / 15 तस्यागादयमेकविंशगणनः काव्येऽतिनव्ये कृती भैमीभर्तृचरित्रवर्णनमये सर्गो निसर्गोज्ज्वलः // 163 / / // इति महाकविहर्षप्रणीते नैषधीयप्रकाशे एकविंशः सर्गः समाप्तः / / 21 / /
