________________ (5) नैषधीयचरितम् :: दशमः सर्गः ] [ 756 सभा नलश्रीयंमकर्यमाद्यैर्नलं विनाभूद्धृतदिव्यरत्नैः / भामाङ्गणप्राघुणिके चतुभिर्देवद्रुमैौरिव पारिजाते / / 24 / / तत्रागमद्वासुकिरीशभूषाभस्मोपदेहस्फुटगौरदेहः / फणीन्द्रवृन्दप्रणिगद्यमानप्रसीदजीवाद्यनुजीविवाद: // 25 / / द्वीपान्तरेभ्यः पुटभेदनं तत् क्षणादवापे सुरभूमिभूपैः / तत्काल मालम्बि न केन यूना स्मरेषुपक्षानिलतूललीला / / 26 / / रम्येषु हर्येषु निवेशनेन सपर्यया कुण्डिननाकनाथः / प्रियोक्तिदानादरनम्रताद्यैरुपाचरच्चारु स राज चक्रम् / / 27 / / चतुःसमुद्रीपरिखे नृपाणामन्तःपुरे वासितकीर्तिदारे / 10 दानं दया सूनतमातिथेयी चतुष्टयीरक्षणसौविदल्ला / / 28 / / अभ्यागतैः कुण्डिनवासवस्य परोक्षवृत्तेष्वपि तेषु तेषु / जिज्ञासितस्वेप्सितलाभलिङ्ग स्वल्पोऽपि नावापि नविशेषः // 29 / / 15 अङ्के विदर्भेन्द्रपुरस्य शङ्के न संममौ नैष तथा समाजः / यथा पयोराशिरगस्त्यहस्ते यथा जगद्वा जठरे मुरारेः / / 30 / / पुरे पथि द्वारगृहाणि तत्र चित्रीकृतान्युत्सववाञ्छयेव / नभोऽपि किर्मीरमकारि तेषां महीभुजामाभरणप्रभाभिः / / 31 / / विलासर्वदग्ध्यविभूषणश्री स्तेषां यथासीत्परिचारकेऽपि / प्रज्ञासिषुः स्त्रीशिशुबालिशास्तं तथागतं नायकमेव कंचित् // 32 // न स्वेदिनश्चामरमारुतैर्न निमेषनेत्राः प्रतिवस्तुचित्रैः / म्लानस्रजो नातपवारणेन देवा नृदेवा बिभिदुर्न तत्र // 33 / / 25 अन्योन्यभाषानवबोधभीतेः संस्कृतिमाभिर्व्यवहारवत्सु / दिग्भ्यः समेतेष नरेषु वाग्भिः सौवर्गवर्गो न जनैरचिह्नि // 34 / /
