________________ रघुवंशे अष्टमः सर्गः ] [ 53 परणबन्धमुखान्गुणानजः षडुपायुक्त समीक्ष्य तत्फलम् / रघुरप्यजयद्गुणत्रयं प्रकृतिस्थं समलोष्टकाञ्चनः // 21 // न नवः प्रभुराफलोदयात्स्थिरकर्मा विरराम कर्मणः / न च योगविधेर्नरेतरः स्थिरधीरा परमात्मदर्शनात् / / 22 / / 5 इति शत्रुषु चेन्द्रियेषु च प्रतिषिद्धप्रसरेषु जाग्रतौ / प्रसितावूदयापवर्गयोरुभयीं सिद्धिमुभाववापतुः / / 23 / / अथ काश्चिदजव्यपेक्षया गमयित्वा समदर्शनः समाः / तमसः परमापदव्ययं पुरुषं योगसमाधिना रघुः / / 24 / / श्रुतदेहविसर्जनः पितुश्चिरमणि विमुच्य राघवः / 10 विदधे विधिमस्य नैष्ठिकं यतिभिः सार्धमनग्निमग्निचित् / 25 / अकरोत्स तदौर्ध्वदैहिकं पितृभक्त्या पितृकार्यकल्पवित् / न हि तेन पथा तनुत्यजस्तनयावजितपिण्डकाक्षिणः / / 26 / / स पराय॑गतेरशोच्यतां पितुरुद्दिश्य सदर्थवेदिभिः / शमिताधिरधिज्यकार्मुकः कृतवानप्रतिशासनं जगत् / / 27 / / क्षितिरिन्दुमती च भामिनी पतिमासाद्य तमग्र्यपौरुषम् / प्रथमा बहुरत्नसूरभूदपरा वीरमजीजनत्सुतम् // 28 / / दशरश्मितोपमद्युति यशसा दिक्षु दशस्वपि श्रुतम् / दशपूर्वरथं यमाख्यया दशकण्ठारिगुरु विदुर्बुधाः / / 29 / / ऋषिदेवगणस्वधाभुजां श्रुतयागप्रसवैः स पार्थिवः / अनृणत्वमुपेयिवान्बभौ परिधेर्मुक्त इवोष्णदीधितिः / / 30 / / बलमार्तभयोपशान्तये विदुषां सत्कृतये बहुश्रुतम् / वसु तस्य विभोर्न केवलं गुणवत्तापि परप्रयोजना / / 31 / / स कदाचिदवेक्षितप्रजः सह देव्या विजहार सुप्रजः / नगरोपवने शचीसखो मरुतां पालयितेव नन्दने // 32 // 25 अथ रोधसि दक्षिणोदधेः श्रितगोकर्णनिकेतमीश्वरम् / उपवीणयितु ययौ रुवेरुदयावृत्तिपथेन नारद: / / 33 / /
