________________ 664 ] [ काव्यषट्कं ब्रुवन्निवातकि मयापि कश्चि दिति स्म स स्त्रैणगिरः शृणोति // 47 / / अम्बां प्रणत्योपनता नताङ्गी नलेन भैमी पथि योगमाप / स भ्रान्तिभैमोषु न तां व्यविक्त ___ सा तं च नादृश्यतया ददर्श // 48 / / प्रसूप्रसादाधिगता प्रसून माला नलस्योभ्रमवीक्षितस्य / क्षिप्तापि कण्ठाय तयोपकण्ठे स्थितं तमालम्बत सत्यमेव // 46 / / स्रग्वासनादृष्टजनप्रसादः सत्येयमित्यद्भुतमाप भूपः / / क्षिप्तामदृश्यत्वमितां च माला ___ मालोक्य तां विस्मयते स्म बाला // 50 / / अन्योन्यमन्यत्रवदीक्षमाणौ परस्परेणाध्युषितेऽपि देशे / आलिङ्गितालोकपरस्परान्त स्तथ्थं मिथस्तौ परिषस्वजाते // 51 / / स्पर्श तमस्याधिगतापि भैमी मेने पुनर्भ्रान्तिमदर्शनेन / नृपः स पश्यन्नपि तामुदीत स्तम्भो न धतु सहसा शशाक // 52 / / स्पर्शातिहर्षाहतसत्यमत्या प्रवृत्य मिथ्याप्रतिलब्धबाधौ / पुनर्मिथस्तथ्यमपि स्पृशन्तो न श्रद्दधाते पथि तौ विमुग्धौ // 53 / /
