Page Text
________________ रघुवंशे षष्ठः सर्गः ] [ 41 अस्याङ्कलक्ष्मीर्भव- दीर्घबाहोर्माहिष्मतीवप्रनितम्बकाञ्चीम् / प्रासादजालर्जलवेणिरम्यां रेवां यदि प्रेक्षितुमस्ति कामः / 43 / तस्याः प्रकामं प्रियदर्शनोऽपि न स क्षितीशो रुचये बभूव / शरत्प्रमृष्टाम्बुधरोपरोधः शशीव पर्याप्तकलो नलिन्याः / 44 / 5 सा शूरसेनाधिपति सुषेणमुद्दिश्य लोकान्तरगीतकीर्तिम् / आचारशुद्धोभयवंशदीपं शुद्धान्तरक्ष्या जगदे कुमारी // 45 / / नीपान्वयः पार्थिव एष यज्वा गुणैर्यमाश्रित्य परस्परेण / सिद्धाश्रमं शान्तमिवैत्य सत्त्वैनैसर्गिकोऽप्युत्ससृजे विरोधः 46 यस्यात्मगेहे नयनाभिरामा कान्तिहिमांशोरिव संनिविष्टा / हाग्रसंरूढतृणाङकुरेषु तेजोऽविषह्य रिपुमन्दिरेष / / 47 // यस्यावरोधस्तनचन्दनानां प्रक्षालनाद्वारिविहारकाले / कलिन्दकन्या मथुरां गतापि गङ्गोमिसंसक्तजलेव भाति / 48 / वस्तेन तार्थ्यात्किल कालियेन मणि विसृष्टं यमुनौकसा यः / वक्षःस्थलव्यापि रुचं दधानः सकौस्तुभं ह्र पयतीव कृष्णम् 49 15 संभाव्य भर्तारममुं युवानं मृदुप्रवालोत्तरपुष्पशय्ये / वृन्दावने चैत्ररथादने निविश्यतां सुन्दरि यौवनश्रीः / / 50 / / अध्यास्य चाम्भःपृषतोक्षितानि शैलेयगन्धीनि शिलातलानि / कलापिनां प्रावृषि पश्य नृत्यं कान्तासु-गोवर्जनकन्दरासु // 51 // नृपं तमावर्त मनोज्ञनाभिः सा व्यत्यंगादन्यवधूभवित्री। महीधरं मार्गवशादुपेतं स्रोतोवहा सागरगामिनीव / 52 / / अथाङ्गदाश्लिष्टभुजं भुजिष्या हेमाङ्गदं नाम कलिङ्गनाथम् / प्रासेदुषीं सादितशत्रुपक्षं बालामबालेन्दुमुखीं बभाषे / 53 // असौ महेन्द्राद्रिसमानसारः पतिर्महेन्द्रस्य महोदधेश्च / यस्य क्षरत्सैन्यगजच्छलेन यात्रासु यातीव पुरो महेन्द्रः / 54 / 25 ज्याघातरेखे सुभुजो भुजाभ्यां बिभर्ति यश्चापभृतां पुरोगः / रिपुश्रियां साजनबाष्पसेके बन्दीकृतानामिव पद्धती द्वे // 55 //
| SR No. | 004484 |
| Book Title | Kavyashatakam Mulam |
| Original Sutra Author | N/A |
| Author | Jinendrasuri |
| Publisher | Harshpushpamrut Jain Granthmala |
| Publication Year | 1991 |
| Total Pages | 1014 |
| Language | Sanskrit |
| Classification | Book_Devnagari |
| File Size | 11 MB |