________________ 542 ] [ काव्यषटकं नात्तगन्धमवधूय शत्रुभिश्छायया च शमितामरश्रमम् / ' योऽभिमानमिव वृत्रविद्विषः पारिजातमुदमूलयद्दिवः / / 84 / / यं समेत्य च ललाटलेखया बिभ्रतः सपदि शंभुविभ्रमम् / चण्डमारुतमिव प्रदीपवच्चेदिपस्य निरवाद्विलोचनम् / / 8 / / . यः कोलतां बल्लवतां च बिभ्रद् ___ दंष्ट्रामुदस्याशु भुजां च गुर्वीम् / मग्नस्य तोयापदि 'दुस्तरायां गोमण्डलस्योद्धरणं चकार // 86 / / धन्योऽसि यस्य हरिरेष समक्ष एव दूरादपि ऋतुषु यज्वभिरिज्यते यः / दत्त्वार्घमत्रभवते भुवनेषु यावत् संसारमण्डलमवाप्नुहि साधुवादम् / / 8 / / भीष्मोक्तं तदिति वचो निशम्य सम्यक् साम्राज्यश्रियमधिगच्छता नृपेण / दत्तेऽर्थे महति महीभृतां पुरोऽपि त्रैलोक्ये मधुभिदभूदनर्घ एव // 88 / / इति श्रीमाघकृतौ शिशुपालवधे महाकाव्ये श्रयङ्के श्रीकृष्णार्घदानो नाम चतुर्दशः सर्गः / / 14 / /
