________________ 540 ] [ काव्यषटकं मर्त्यमात्रमवदीधरद्भवान् मैनमानमितदैत्यदानवम् / '' अंश एष जनतातिवतिनो वेधसः प्रतिजनं कृतस्थितेः / / 56 / / ध्येयमेकमपथे स्थितं धियः स्तुत्यनुत्तममतीतवाक्पथम् / प्रामनन्ति यमुपास्यमादराद् दूरवर्तिनमतीव योगिनः / / 60 / / पद्मभूरिति सृजजगद्रजः सत्त्वमच्युत इति स्थिति नयन् / संहरन्हर इति श्रितस्तमस्वैधमेष भजति त्रिभिर्गुणैः / / 61 / / सर्ववेदिनमनादिमास्थित देहिनामनुजिघृक्षया वपुः। . क्लेशकर्मफलभोगवजितं विशेषममुमीश्वरं विदुः / / 62 / / भक्तिमन्त इह भक्तवत्सले सन्ततस्मरणरीणकल्मषाः / यान्ति निर्वहणमस्य संसृति-क्लेशनाटक विडम्बनाविधेः / / 63 / / ग्राम्यभावमपहातुमिच्छवो योगमार्गपतितेन चेतसा / दुर्गमेकमपुननिवृत्तये यं विशन्ति वशिनं मुमुक्षवः // 64 / / आदितामजननाय देहिनामन्ततां च दधतेऽनपायिने / बिभ्रते भूवमधः सदाथ च ब्रह्मणोऽप्युपरि तिष्ठते नमः / / 65 / / 15 केवलं दधति कर्तृवाचिनः प्रत्ययानिह न जातु कर्मणि / धातवः सृजतिसंहशास्तयः स्तौतिरत्र विपरीतकारकः / / 66 / / पूर्वमेष किल सृष्टवानपस्तासु वीर्यमनिवार्यमादधौ / तच्च कारणमभूद्धिरण्मयं ब्रह्मणोऽसृजदसाविदं जगत् / / 67 / / मत्कुणाविव पुरा परिप्लवौ सिन्धुनाथशयने निषेदुषः / गच्छतः स्म मधुकैटभी विभो यस्य नैद्रसुखविघ्नतां क्षणम् // 68 / / श्रौतमार्गसुखगानकोविदब्रह्मषट्चरणगर्भमुज्ज्वलम् / . श्रीमुखे दुसविधेऽपि शोभते यस्य नाभिसरसीसरोरुहम् / / 6 / / 25 सत्यवृत्तमपि मायिनं जगवृद्धमप्युचितनिद्रमर्भकम् / जन्म बिभ्रतमजं नवं बुधा यं पुराणपुरुष प्रचक्षते / / 70 //
