________________ 482 ) [ काव्यषट्कं विससार सान्द्रतरमिन्दुरुचा ____मधिकावभासितदिशां निकरः // 37 / / उपगूढवेलमलघूमिभुजैः सरितामचुक्षुभदधीशमपि। रजनीकरः किमिव चित्रमदो यदुरागिणां गणमनङ्गलघुम् // 38 / / भवनोदरेष परिमन्दतया शयितोऽलसः स्फटिकयष्टिरुचः / अवलम्ब्य जालकमुखोपगता नुदतिष्ठदिन्दुकिरणान्मदनः // 39 / / अविभावितेषुविषयः प्रथम मदनोऽपि नूनमभवत्तमसा / उदिते दिश: प्रकटयत्यमुना यदधर्मधाम्नि धनुराचकृषे // 40 / / युगपद्विकासमुदयाद्गमिते शशिनः शिलीमुखगणोऽलभत / द्रुतमेत्य पुष्पधनुषो धनुषः कुमुदेऽङ्गनामनसि चावसरम् // 41 / / ककुभां मुखानि सहसोज्ज्वलयन् दधदाकुलत्वमधिकं रतये / अदिदीपदिन्दुरपरो दहनः __ कुसुमेषुमत्रिनयनप्रभवः / / 42 // इति निश्चितप्रियतमागतयः सितदीधितावुदयवत्यबलाः। प्रतिकर्म कर्तुमुपचक्रमिरे समये हि सर्वमुपकारि कृतम् / / 43 / / 25
