________________ (4) शिशुपालवधम् :: तृतीयः सर्गः ] [ 419 यां रेवतीजानिरियेष हातु . . न रौहिणेयो न च रोहिणीशः // 60 // बाणाहवव्याहतशम्भुशक्त रासत्तिमासाद्य जनार्दनस्य / शरीरिणा जैत्रशरेण यत्र निःशङ्कमूषे मकरध्वजेन / / 61 / / निषेव्यमाणेन शिवैर्मरुद्भिर ___ ध्यास्यमाना हरिणा चिराय / उद्रश्मिरत्नाकुरधाम्नि सिन्धा वाह्वास्त मेरावमरावती या / / 62 / / स्निग्धाञ्जनश्यामरुचिः सुवृत्तो वध्वा इवाध्वंसितवर्णकान्तेः / विशेषको वा विशिशेष यस्याः श्रियं त्रिलोकीतिलकः स एव // 63 / / तामीक्षमाणः स पुरं पुरस्तात्प्रापत्प्रतोलीमतुलप्रतापः / वज्रप्रभोद्भासिसुरायुधश्रीर्या देवसेनेव परैरलङ्घया / / 64 / / प्रजा इवाङ्गादरविन्दनाभेः शम्भोर्जटाजूटतटादिवापः / / मुखादिवाथ श्रुतया विधातुः पुरान्निरीयुर्मुरजिद्ध्वजिन्यः // 65 / / श्लिष्यद्भिरन्योन्यमुखाग्रसङ्ग. स्खलत्खलीनं हरिभिविलोलैः / परस्परोत्पीडितजानुभागा दुःखेन निश्चक्रमुरश्ववाराः / / 66 / / निरन्तरालेऽपि विमुच्यमाने दूरं पथि प्राणभृतां गणेन / तेजोमहद्भिस्तमसेव दीपैद्विपैरसम्बाधमयाम्बभूवे / / 67 / / 25 शनैरनीयन्त रथात्पतन्तो रथाः क्षिति हस्तिनखादखेदैः / सयत्नसूतायतरश्मिभुग्नग्रीवाग्रसंसक्तयुगैस्तुरङ्गः // 68 / /
