________________ 340 ] [ काव्यषट्कं अयमेकचरोऽभिवर्तते मां . .. समरायेव समाजुहूषमाणः // 3 // इह वीतभयास्तपोऽनुभावा ज्जहति व्यालमृगाः परेषु वृत्तिम् / मयि तां सुतरामयं विधत्ते विकृतिः किं नु भवेदियं नु माया / / 4 / / अथवैष कृतज्ञयेव पूर्व भृशमासेवितया रुषा न मुक्तः / अवधूय विरोधिनी: किमारा. न्मृगजातोरभियाति मां जवेन / / 5 / / न मृगः खलु कोऽप्ययं जिघांसुः स्खलति यत्र तथा भृशं मनो मे / विमलं कलुषीभवच्च चेतः कथयत्येव हितैषिणं रिपु वा / / 6 / / मुनिरस्मि निरागसः कुतो मे भयमित्येष न भूयतेऽभिमानः / परवृद्धिषु बद्धमत्सराणां किमिव ह्यस्ति दुरात्मनामलङ्घयम् / / 7 / / दनुजः स्विदयं क्षपाचरो वा वनजे नेति बलं बतास्ति सत्त्वे / अभिभूय तथा हि मेघनीलः सकलं कम्पयतीव शैलराजम् // 8 // अयमेव मृगव्यसत्रकामः प्रहरिष्यन्मयि मायया शमस्थे / पृथुभिर्वजिनीरवैरकार्षी- .. च्चकितोद्भ्रान्तमृगानि काननानि / / 6 / / 25
