________________ (3) किरातार्जुनीयम् :: दशमः सर्गः ] [ 317 // 10 // दशमः सर्गः अथ परिमलजामवाप्य लक्ष्मीमवयवदीपितमण्डनश्रियस्ताः / वसतिमभिविहाय रम्यहावाःसुरपतिसूनुविलोभनाय जग्मुः।१। द्रुतपदमभियातुमिच्छतीनां गगनपरिक्रमलाघवेन तासाम् / अवनिषु चरणैः पृथुस्तनीनामलघुनिम्बतया चिरं निषेदे / / 2 / / निहितसरसयावकैर्बभासे चरणतलैः कृतपद्धतिर्वधूनाम् / अविरलविततेव शक्रगोपैररुणितनीलतृणोलपा धरित्री / / 3 / / ध्वनिरगविवरेषु नूपुराणां पृथुरशनागुणशिञ्जितानुयातः / प्रतिरवविततो वनानि चक्रे मुखरसमुत्सुकहंससारसानि / / 4 / / अवचयपरिभोगवन्ति हिंस्र : सहचरितान्यमृगाणि काननानि / अभिदधुरभितो मुनि वधूभ्यः समुदितसाध्वसविक्लवं च चेतः // 5 // नृपतिमुनिपरिग्रहेण सा भूः सुरसचिवाप्सरसां जहार तेजः / उपहितपरमप्रभावधाम्नां . न हि जयिनां तपसामलङ्घयमस्ति / / 6 / / सचकितमिव विस्मयाकुलाभिः शुचिसिकतास्वतिमानुषाणि ताभिः / क्षितिषु ददृशिरे पदानि जिष्णो रुपहितकेतुरथाङ्गलाञ्छनानि / / 7 / / .अतिशयितवनान्तरद्युतीनां फलकुसुमावचयेऽपि तद्विधानाम् /
