________________ [ काव्यषट्क जलदजालधनरसिताश्मना- .. मुपहतप्रचयेह मरीचिभिः / भवति दीप्तिरदीपितकन्दरा तिमिरसंवलितेव विवस्वतः / / 48 / / भव्यो भवन्नपि मुनेरिह शासनेन क्षाने स्थितः पथि तपस्य हतप्रमादः / प्रायेण सत्यपि हितार्थकरे विधौ हि श्रेयांसि लब्धुमसुखानि विनान्तरायैः / / 49 / / मा भूवन्नपथहृतस्तवेन्द्रियाश्वाः सन्तापे दिशतु शिव: शिवां प्रसक्तिम् / रक्षन्तस्तपसि बलं च लोकपालाः कल्याणीमधिकफलां क्रियां क्रियासुः / / 50 / / इत्युक्त्वा सपदि हितं प्रियं प्रिया धाम स्वं गतवति राजराजभृत्ये / सोत्कण्ठं किमपि पृथासुतः प्रदध्यौ संधत्ते भृशमरति हि सद्वियोगः / / 51 / / तमनतिशयनीयं सर्वतः सारयोगा- . दविरहितमनेकेनाङ्कभाजा फलेन / अकृशमकृशलक्ष्मीश्चेतसाशंसितं स स्वमिव पुरुषकारं शैलमभ्याससाद // 52 / / // इति भारविकृतौ महाकाव्ये किरातार्जुनीये पञ्चमः सर्गः / / 5 //
