________________ 258 ] [ काव्यषट्कं नियां न समयपरिरक्षणं क्षमं ते. निकृतिपरेषु परेषु भूरिधाम्नः / परिषु हि विजयार्थिनः क्षितीशा. विदधति सोपधि सन्धिदूषणानि / / 45 / / विधिसमयनियोगाद्दीप्तिसंहारजिज्ञ ____ शिथिलवसुमगाधे मग्नमापत्पयोधौ / रिपुतिमिरमुदस्योदीयमानं दिनादौदिनकृतमिव लक्ष्मीस्त्वां समभ्येतुभूयः / / 46 / / (मालिनीवृत्तम्) // इति महाकविश्रीभारविकृतौ महाकाव्ये किरातार्जुनीये प्रथमः सर्गः / / 1 / / . // 2 // अथ द्वितीयः सर्गः॥ विहितां प्रियया मनःप्रियामथ निश्चित्य गिरं गरीयसीम् / उपपत्तिमदूजिताश्रयं नपमूचे वचनं वृकोदरः / / 1 / / 15 यदवोचत वीक्ष्य मानिनी परितः स्नेहमयेन चक्षुषा / अपि वागधिपस्य दुर्वचं वचनं तद्विदधीत विस्मयम् // 2 // विषमोऽपि विगाह्यते नयः कृततीर्थः पयसामिवाशयः / स तु तत्र विशेषदुर्लभः सदुपन्यस्यति कृत्यवर्त्म यः / / 3 / / परिणामसुखे गरीयसि व्यथकेऽस्मिन्वचसि क्षतौजसाम् / - 20 अतिवीर्यवतीव भेषजे बहुरल्पीयसि दृश्यते गुणः // 4 // इयमिष्टगुणाय रोचतां रुचिरार्था भवतेऽपि भारती। नतु वक्तृविशेषनि:स्पृहा गुणगृह्या वचने विपश्चितः // 5 // चतसृष्वपि ते विवेकिनी नप ! विद्यासु निरूढिमागता / कथमेत्य मतिविपर्ययं करिणी पङ्कमिवावसीदति // 6 //
