________________ (2) कुमारसंभवं :: सप्तदशः सर्गः ] . [ 247 विस्रस्तसारथिकुलप्रवराः समन्ता * व्यावृत्य पेतुरवनौ सुरवाहिनीनाम् / / 30 / / हित्वायुधानि सुरसैन्यतुरंगवाहा वातेन तेन विधुराः सुरसैन्यमध्ये / शस्त्राभिघातमनवाप्य निपेतुरुया . स्वीयेषु वाहनवरेषु पतत्सु सत्सु // 31 / / तेनाहतास्त्रिदशसैन्यपदातयोऽपि स्रस्तायुधाः सुविधुराः परुषं रसन्तः / वात्याविवर्तदलवभ्रममेत्य दूरं नि:पेतुरम्बरतलाद्वशुधातलेऽस्मिन् / / 32 / / इत्थं विलोक्य सुरसैन्यमथो अशेषं दैत्येश्वरेण विधुरीकृतमस्त्रयोगात् / स्वर्लोकनाथकमलाकुशलैकहेतु दिव्यं प्रभावमतनोदतनुः स देवः / / 33 / / तेनोज्झितं सकलमेव सुरेन्द्रसैन्यं ___ स्वास्थ्यं प्रपद्य पुनरेव युधि प्रवृत्तम् / दृष्ट्वासृजद्दहनदैवतमस्त्रमिद्ध . मुद्दीप्तकोपदहनः सहसा सुरारिः / / 34 / / वर्षातिकालजलदद्युतयो नभोन्ते गाढान्धकारितदिशो धनधूमसंघाः। सद्यः प्रसस्र रसितोत्पलदामभासो दृग्गोचरत्वमखिलं न हि सन्नयन्तः / / 35 / / दिक्चक्रवालगिलनैर्मलिनैस्तमोभि लिप्त नभःस्थलमलं घनवृन्दसान्द्रैः / धूमैविलोक्य मुदिताः खलु राजहंसा गन्तुं सरः सपदि मानसमीषुरुच्चैः / / 36 / /
