________________ 242 ] [ काव्यषट्कं इति सुररिपुर्वृत्ते युद्धे सुरासुरसैन्ययो _____ रुधिरसरितां मज्जद्दन्तिव्रजेषु तटेष्वलम् / अरुणनयनः क्रोधाद्भीमभ्रमभृकुटीमुखः सपदि ककुभामीशानभ्यामगत्स युयुत्सया // 51 / / ( हरिणी) // इति श्रीकालिदासंकृतौ कुमारसंभवे महाकाव्ये सुरासुरसैन्यसङ्ग्रामवर्णनं नाम षोडशः सर्गः / / 16 / / // 17 // सप्तदशः सर्गः॥ दृष्ट्वाभ्युपेतमथ दैत्यपति पुरस्ता त्सङ्ग्रामकेलिकुतुकेन घनप्रमोदम् / योधु मदेन मिमिलुः ककुभामधीशा बाणान्धकारितदिगम्बरगर्भमेत्य / / 1 / / (वसन्ततिलका) देवद्विषां परिवृढो विकटं विहस्य बाणावलीभिरमरान्विकटान्ववर्ष / शैलानिव प्रवरवारिधरो गरिष्ठा नद्भिः पराभिरथ गाढमनारताभिः // 2 // जम्भद्विषत्प्रभृतिदिक्पतिचापमुक्ता बाणाः शिता दनुजनायकबाणसङ्घान् / अह्नाय तामूनिवहा इव नागपूगा न्सद्यो विचिच्छिदुरलं कंणशो रणान्ते / / 3 / / तान्प्रज्वलत्फलमुखैविषमैः सुरारि नामाङ्कितः पिहितग्गगनान्तरालैः /
