________________ 230 ] [ काव्यषट्क समेत्य दैत्याधिपतेः पुरे स्थिताः .. किरीटबद्धाञ्जलयः प्रणम्य ते / न्यवेदयन्मन्मथशत्रुसूनुना युयुत्सुना जम्भजितं सहागतम् / / 3 / / दासीकृताशेषजगत्त्रयं न मां जिगाय युद्धे कतिशः शचीपतिः / गिरीशपुत्रस्य बलेन सांप्रतं ध्रुवं विजेतेति स काकुतोऽहसत् / / 4 / / ततः क्रुधा विस्फुरिताधराधरः स तारको दर्पितदोर्बलोद्धतान् / युधे त्रिलोकीजयकेलिलालसः सेनापतीन्सनहनार्थमादिशत् / / 5 / / महाचमूनामधिपाः समन्ततः संनह्य सद्यः सुतरामुदायुधाः / तस्थुविनम्रक्षितिपालसंकुले तदङ्गनद्वारवरप्रकोष्ठके / / 6 / / स द्वारपालेन पुरः प्रदर्शिता न्कृतानतीन्बाहुवरानधिष्ठितान् / महाहवाम्भोधिविधूननोद्धता न्ददर्श राजा पृतनाधिपान्बहून् / / 7 / / बली बलारातिबलातिशातनं दिग्दन्तिनादद्रवनाशनस्वनम् / . महीधराम्भोधिनवारितक्रम ययौ रथं घोरमथाधिरुह्य सः / / 8 / / युगक्षयक्षुब्धपयोधिनिःस्वना श्चलत्पताकाकुलवारितातपाः / 25
