________________ रघुवंशे अष्टादशः सर्गः ] [ 129 पूर्वापेक्षी तंदनु विदधे कोषवृद्धि कुबेर. स्तस्मिन्दण्डोपनतचरितं भेजिरे लोकपालाः / 81 / ( मन्दा० ) / / इति महाकविश्रीकालिदासकृतौ रघुवंशे महाकाव्ये अतिथिवर्णनो नाम सप्तदशः सर्गः / / 17 / / 5 // 18 // अथ अष्टादशः सर्गः / / स नैषधस्यार्थपतेः सुतायामुत्पादयामास निषिद्धशत्रुः / अनूनसारं निषधान्नगेन्द्रात्पुत्रं यमाहुनिषधाख्यमेव // 1 / / तेनोरुवीर्येण पिता प्रजायै कल्पिष्यमाणेन ननन्द यूना / 10 सुवृष्टियोगादिव जीवलोक: सस्येन संपत्तिफलोन्मुखेन / / 2 / / शब्दादि निविश्य सुखं चिराय तस्मिन्प्रतिष्ठापित राजशब्दः / कौमुद्वतेयः कुमुदावदातैाजितां कर्मभिरारुरोह // 3 // पौत्रः कुशस्यापि कुशेशयाक्षः ससागरां सागरधीरचेताः / एकातपत्रां भुवमेवकीर: पुरार्गलादीर्घभुजो बुभोज / / 4 / / 15 तस्यानलौजास्तनयस्तद ते वंशश्रियं प्राप नलाभिधानः / यो नड्वलानीव गजः परेषां बलान्यमृद्नान्नलिनाभवक्त्रः / / नभश्चरैर्गीतयशाः स लेभे नभस्तलश्यामतनुतनूजम् / ख्यातं नभ शब्दमयेन नाम्ना कान्तं नभोमासमिव प्रजानाम् / 6 / तस्मै विसृज्योत्तरकोसलानां धर्मोत्तरस्तत्प्रभवे प्रभूत्वम् / - 20 मृगैरजर्यं जरसोपदिष्टमदेहबन्धाय पुनर्बबन्ध / / 7 / / तेन द्विपानामिव पुण्डरीको राज्ञामजय्योऽजनि पुण्डरीकः / शान्ते पितर्याहृतपुण्डरीका यं पुण्डरीकाक्षमिव श्रिता श्रीः / 8 / क्षेमधन्वानममोघधन्वा पुत्रं प्रजाक्षेमविधानदक्षम् / क्ष्मां लम्भयित्वा क्षमयोपपन्न वने तपः क्षान्ततरश्चचार / /
