________________ चउसरणपयन्नो (2) अच्चब्भुअगुणवंते, नियजसससहरपसाहिअदिअंते / निययमणाइअणंते, पडिवन्नो सरणमरिहते // 21 // उज्झियजरमरणाणं, समत्तदुक्खत्तसत्तसरणाणं / तिहुअणजणसुहयाणं, अरिहंतागं नमो ताणं // 22 // अरिहंतसरण लसुद्धि-लद्वसुविसुद्धसिद्धबहुमाणो। पणयसिररइयकरकमल-सेहरो सहरिसं भणइ // 23 // कम्मट्ठवखयसिद्धा, साहाविअनाणदंसणसमिद्धा / सव्वट्ठलद्धिसिद्धा, ते सिद्धा हुंतु मे सरणं // 24 // तिअलोअमत्थयत्था, परमपयत्था अचिंतसामत्था / मंगलसिद्धपयत्था, सिद्धा सरणं सुहपसत्था // 25 // मूलक्खयपडिवक्खा, अमूढलक्खा सजोगिपच्चक्खा / साहाविअत्तसुक्खा, सिद्धा सरणं परममुक्खा / / 26 // पडिपिल्लिअपडिणीआ, समग्गझाणग्गि-दड्ढभवबीआ। जोईसरसरणीआ, सिंद्धा सरणं समरणीआ // 27 // पाविअपरमाणंदा, गुणनीसंदा विदिन्नभवकंदा / लहुईकयरविचंदा, सिद्धा सरणं खविअदंदा // 28 // उवलद्धपरमबंभा, दुल्लहलंभा विमुक्कसंरंभा / भुवणघरधरणखंभा, सिद्धा सरणं निरारंभा // 29 // सिद्धसरणेण नयबंभहे उ-साहुगुणजणिअअणुराओ / मेइणिमिलंत सुपसत्थ-मत्थओ तत्थिमं भणइ // 30 // जिअलोअघुणो कुगइ-सिंधुणो पारगा महाभागा / नाणाइजेहिं सिवसुक्ख- साहगा साहुणो सरणं // 31 //
