________________ 125 भवभावना उल्लंबिऊण उप्पि अहोमुहे हे? जलियजलणम्मि / काऊण भडित्तखंडं सोऽवि विकत्तंति सत्थेहिं // 152 / / पहरंति चवेडाहिं चित्तयवयवग्यसीह रूवेहिं / कुटुंति कुहाडेहिं ताण तणुं खयरकटं व // 153 // कयवज्जतुंड बहुविह विहंगरूवेहिं तिक्खचंचूहिं / अच्छी खुड्डुति सिरं हणंति चुंटंति मंसाइं // 154 // अगणिवरिसं कुणते मेहे वेउव्वियम्मि नेरइया / सुरकय पव्वयगुहमणुसरंति निज्जलिय. सव्वंगा // 155 // तत्थवि पडंति पव्वयसिलासमूहेण दलियसव्वंगा। अइकरुणं कंदता पप्पडपिट्ठ व कीरति // 156 // तिरियाणऽइमारारोवणाई सुमराविऊण खंधेसुं / चडिऊण सुरा तेसिं भरेण भंजंति अंगाई // 157 / / जेसिं च अइसएणं गिद्धी सहाइएसु विसएसु / आसि इहं ताणंपि हु विवागमेयं पयासंति // 158 // तत्ततउमाइयाई खिवंति सवणेसु तह य दिट्ठीए / संतावुव्वेयविघायहेउरूवाणि दंसंति // 159 // वसमंसजलणमुम्मुरपमुहाणि विलेवणाणि उवणेति / उप्पाडिऊणं संदंसएण दसणे य जीहं च // 160 // तत्तो भीमभुयंगम पिवीलियाईणि तह य दव्वाणि / असुईउ अणंतगुणे असुहाई खिवंति वयणम्मि // 161 // सोवंति वज्जकंटयसेज्जाए अगणिपुत्तियाहिं समं / परमाहम्मिय जणियाउ एवमाई य वियणाओ // 162 //
