________________ भवभावना mmmmmmmmmmmmmmmmmmmmmmmmmmmmmmmm तो जइ अत्थि भयं ते इमाइ घोराइ जरपिसाईए / जियसत्तुव्व पवजसु सरणं जिणवीरपयकमलं // 42 // समुवट्ठियम्मि मरणे ससंभमे परियणम्मि धावते / को सरणं परिचिंतसु एकं मोत्तूण जिणधम्मं ? // 43 // सयलतिलोयपहूणो उवायविहिजाणगा अणंतबला। . तित्थयरावि हु कीरति कित्तिसेसा कयंतेण // 44 // बहुसत्तिजुओ सुरकोडिपरिवुडो पविपयंडभुयदंडो। हरिणोव्व हीरइ हरी कयंतहरिणाऽहरियसत्तो // 45 // छक्खंडवसुहसामी नीसेसनरिंदपणयपयकमलो। चक्कहरोऽवि गसिजइ ससिव्व जमराहुणा विवसो // 46 // जे कोडिसिलं वामेककरयलेणुक्खिवंति तूलं व / विझवइ जमसमीरो तेऽवि पईवव्वऽसुररिउणो // 47 // जइ मच्चुमुहगयाणं एयाणवि होइ किं पी न हु सरणं / ता कीडयमेत्तेसुं का गणणा इयरलोएसु ? // 48 // जइ पियसि ओसहाई बंधसि बाहासु पत्थरसयाई। . कारेसि अग्गिहोमं विजं मंतं च संतिं च // 49 // अन्नाइंवि कुंटलविंटलाई भूओवघायजणगाई। कुणसि असरणो तहविहु डंकिजसि जमभुयंगेण // 50 // सिंचइ उरत्थलं तुह अंसुपवाहेण किंपि रुयमाणं / उरिठ्ठियं कुडुम्ब तंपि सकज्जेक्कतल्लिच्छं // 51 // धणधन्नरयणसयणाइया य सरणं न मरणयालम्मि / जायंति जए कस्सवि अन्नत्थवि जेणिमं भणियं // 52 //
