________________ // 672 // // 673 // // 674 // // 675 // // 676 // // 677 // स्वामी नो भवजन्तुर्यत्, तदुक्तं दुष्ट ! केन ते / पातालेऽपि गतानां वो, न त्राणमनया गिरा . आलजालप्रलापिस्तद्, व्रज दूताधम ! द्रुतम् / सज्जा भवत सर्वेऽपि, वयं योद्धं समागताः दूतस्य तर्जनामेवं, कृत्वा ते प्रस्थिताः क्रुधा / महामोहं पुरस्कृत्य, सर्वेऽपि कवचावृताः सत्येनापि प्रभोः सर्वा, तेषां चेष्टा निवेदिता / दृष्ट्वाऽऽयातां मोहचमूम्, तेन सज्जीकृतं बलम् आयोधनं तयोर्लग्नं, दारुणं, सैन्ययोर्द्वयोः / चित्तवृत्तिमहाटव्यां, मिथःप्रथितसंभ्रमम् ततास्त्रतडिदुद्योतं, रजःक्षेपोत्थदुर्दिनम् / घनागमसमं भूरि, तूर्योघोजितगर्जितम्. पाटयन्तः परानीकं महामोहभटाः स्फुटम् / . उद्वेल्लितास्तत्र यमा, बहुरूपा इवागताः हतवाजिरथवातं, दलिताखिलवारणम् / चारित्रधर्मराजस्य, चकम्पेऽथाखिलं बलम् जितोऽरिभिस्ततो नंष्ट्वा, स्वस्थानं स गतो द्रुतम् / लीनः स्थितोऽरिसेना तु, स्थिता रुद्ध्वा मदोद्धता महामोहनरेन्द्रस्य, राज्यं परिणतं ततः / . मार्गानुसारिता प्राह, दृष्टं वत्स ! कुतूहलम् दृष्टं मयोक्तं किन्त्वत्र, ज्ञातुमिच्छामि कारणम् / सा प्राह जगतीं जेतुं, रागकेसरिमन्त्रिणा मानुषाणि नियुक्तानि, पञ्चात्मीयानि कुत्रचित् / जितानीह पुरा तानि, सन्तोषेण महस्विना // 678 // // 679 // // 680 // // 681 // // 682 // // 683 // 57
