________________ एकेन्द्रियादिभेदेषु, यश्च तिर्यक्षु कीर्तितः / मयाऽनुभूतो दुःखौघः, स त्वया किं न भावितः // 768 // यत् त्वं विलम्बसेऽद्यापि, त्यक्तुं संसारचारकम् / किं वा कथानिकामात्रमिदं ते प्रतिभासते . // 769 // मोक्षसाधनयोग्येऽपि, लब्धे मनुजजन्मनि / हिंसाक्रोधवशेनाप्ता, यन्मया दुःखसन्ततिः . // 770 // तथा मानमृषावादस्तेयमायापरायणः / / लोभमैथुनदोषान्धो, यदहं भ्रान्तवान् भवम् // 771 // तदप्याकर्ण्य चित्तं ते, यदि न द्रुतिमागतम् / कठोरं तदहं मन्ये, वज्रसारेण निर्मितम् // 772 // यन्न बुद्धा मया प्रोक्तौ, दुष्टौ मोहपरिग्रहौ / श्रुत्वाऽगृहीतसंकेतेत्युक्ता तेनासि भूरिशः // 773 // स्पर्शनादीन्द्रियाणां यः, प्रोक्तो बाले जडे तथा / मन्दे जडेऽतिविरसो, विपाको बालिशेऽपि च // 774 // सोऽपि चेन्न त्वया बुद्धो, वैराग्यफलशून्यया / काष्ठभूतमहं मन्ये, तन्नूनं तव मानसम् . // 775 // इन्द्रियाणां जयाज्जातं, मनीषिणि विचक्षणे / यद् बुद्धे चोत्तमे चैव, कोविदे च यशः शुचि // 776 // तदाकलय्य यो नाम, संसारान्न विरज्यते / ततोऽधिको जगत्यस्ति, स्वार्थभ्रष्टो न कश्चन // 777 // चित्तवृत्तिस्थितं यत् ते, मया प्रोक्तं बलद्वयम् / आभ्यन्तरं सुहृद्बन्धुसमानं मुग्धमानसे ! . // 778 // तद्विलासमपि श्रुत्वा, यदि न प्रतिबुद्ध्यसे / . त्वद्बोधकरणोपायस्ततः खकुसुमोपमः // 779 // ૨પ૦
