________________ शीतं चन्दनवच्छायाऽन्वितं नन्दनवृक्षवत् / / महेश्वरवदुत्सङ्गविलसत्सर्वमङ्गलम् (युग्मम्) // 1260 // इदं पश्यन्ति नाधन्या, निधानमिव भूस्थितम् / . अन्तर्दृष्ट्याऽतिविमलमाकाशस्फटिकोपमम् // 1261 // अत्रस्थानां विवेकाद्रिरेति दृग्गोचरं नृणाम् / . स्थितिरत्रास्य सिद्धाद्रेर्दृष्टौ सिद्धाञ्जनायते // 1262 // अत्र स्थिता जना रम्या:, पुरस्यैवानुभावतः / अतिरम्याः पुनस्ते स्युविवेकशिखरं गताः // 1263 // अत्र स्थितानां लोकानां, रोचते जैनसत्पुरम् / इक्षुयष्टिरिवोष्ट्राणां, नान्येषां भववासिनाम् // 1264 // ऊर्ध्वस्थमपि पश्यन्तस्तन्मोदन्तेऽत्रवासिनः / चकोरा इव चन्द्रस्य, पिबन्तः किरणामृतम् // 1265 // अयं गिरिः पुनर्घोरदुःखनाशकरो नृणाम् / श्रिया गरिष्ठो दृष्टोऽपि, काऽऽरोहस्य तु संकथा // 1266 // अत्र स्थिताः प्रपश्यन्तो, भवचक्रं करस्थितम् / / जनास्ततो विरज्यन्ते, कूटकार्षापणादिव // 1267 // अत्र स्थितानां स्त्रीवर्गः, श्मशानघटिकाकृतिः / . श्मशानधूमसदृशी, भाति तत्प्रेमपद्धतिः // 1268 // नान्यत्र प्रतिबन्धः स्यादस्मिन् दृष्टिपथं गते / भ्रमति भ्रमरोऽन्यत्र, किं दृष्टे मालतीवने // 1269 // स्पृष्ट्वाऽपि दुःखिनो नैनं, भवचक्रगता अपि / भवन्त्यौषधिलिप्ताङ्गा, वह्निपुञ्जस्थिता इव // 1270 // शिखरं च विवेकादेरिदं दोषनिबर्हणम् / .. महामोहादिशत्रूणामुच्चाटनकरं परम् .. // 1271 // 236
