________________ इयं मोक्षफले दाने, पात्रापात्रविचारणा / दयादानं तु तत्त्वज्ञैः, कुत्रापि न निषिध्यते // 322 // शुद्ध्यशुद्धिकृतम भङ्गा-श्चत्वारः पात्रदानयोः / आद्यः शुद्धो द्वितीयस्तु, पाक्षिकोऽन्यौ तु निष्फलौ // 323 // दानेन भोगानाप्रोती-त्यविमृश्यैव भाष्यते। अनर्घ्यपात्रदानस्य क्षुद्रा भोगाः कियत्फलम् ? // 324 // पात्रदाने फलं मुख्यं, मोक्षः सस्यं कृषेरिव / पलालमिव भोगास्तु, फलं स्यादानुषङ्गिकम् // 325 // जिनानां दानदातारः, प्रथमे मोक्षगामिनः / धनादयो दानधर्मा-बोधिबीजमुपार्जयन् // 326 // जिनानां पारणे भिक्षा-दातृणां मन्दिराजिरे। सुगन्ध्युदक-पुष्पस्त्रग-रत्नवृष्टिं व्यधुः सुराः // 327 // इत्यतिथिसंविभाग-व्रतमेतदुदीरितं प्रपञ्चेन। देयादेये पात्रा-पात्रे ज्ञात्वा यथोचितं कुर्यात् // 328 // पश्य संगमको नाम, सम्पदं वत्सपालकः / चमत्कारकरी प्राप, मुनिदानप्रभावतः // 259 // व्रतानि सातिचाराणिं, सुकृताय भवन्ति न / अतिचारास्ततो हेयाः, पञ्च पञ्च व्रते व्रते // 260 // क्रोधाद्बन्धश्छविच्छेदो-ऽधिकभाराधिरोपणम् / प्रहारोऽन्नादिरोधश्चा-हिंसायां परिकीर्तिताः // 261 // मिथ्योपदेशः सहसा-ऽभ्याख्यानं गुह्यभाषणम् / विश्वस्तमन्त्रभेदश्च, कूटलेखश्च सूनृते // 262 // स्तेनानुज्ञा तदानीता-दानं द्विभाज्यलङ्घनम् / प्रतिरूपक्रिया माना-न्यत्वं चास्तेयसंश्रिताः // 263 //
