________________ || 28 // आलोच्यावग्रहयाञ्चा-ऽभीक्ष्णावग्रहयाचनम् / एतावन्मात्रमेवैतदित्यवग्रहधारणम् समानधार्मिकेभ्यश्च, तथावग्रहयाचनम् / / अनुज्ञापितपानान्नाशनमस्तेयभावनाः [युग्मम्] // 29 // स्त्रीषण्ढपशुमद्वेश्मा-सनकुड्यान्तरोज्झनात् / सरागस्त्रीकथात्यागा-त्प्राग्रतस्मृतिवर्जनात् // 30 // स्त्रीरम्याङ्गेक्षणस्वाङ्ग-संस्कारपरिवर्जनात् / प्रणीतात्यशनत्यागाद्, ब्रह्मचर्यं तु भावयेत् [युग्मम्] // 31 // स्पर्शे रसे च गन्धे च, रूपे शब्दे च हारिणि / .... पञ्चस्वितीन्द्रियार्थेषु, गाढं गायस्य वर्जनम् // 32 // एतेष्वेवामनोज्ञेषु, सर्वथा द्वेषवर्जनम् / . आकिञ्चन्यव्रतस्यैवं, भावनाः पञ्च कीर्तिताः (युग्मम्) // 33 // अथवा पञ्चसमितिगुप्तित्रयपवित्रितम् / चरित्रं सम्यक्चारित्र-मित्याहुर्मुनिपुङ्गवाः . // 34 // ईर्याभाषैषणादान-निक्षेपोत्सर्गसंज्ञिकाः / पञ्चाहुः समितीस्तिस्रो, गुप्तीस्त्रियोगनिग्रहात् // 35 // लोकातिवाहिते मार्गे, चुम्बिते भास्वदंशुभिः / जन्तुरक्षार्थमालोक्य, गतिरीर्या मता सताम् // 36 // अवद्यत्यागतः सर्व-जनीनं मितभाषणम् / प्रिया वाचंयमानां सा, भाषासमितिरुच्यते // 37 // द्विचत्वारिंशता भिक्षादोषैनित्यमदूषितम् / मुनिर्यदन्नमादत्ते, सैषणासमितिर्मता. // 38 // आसनादीनि संवीक्ष्य, प्रतिलिख्य च यत्नतः / गृह्णीयानिक्षिपेद्वा यत् सादानसमितिः स्मृता // 39 //
