________________ रागाट्टोऽणिकणौ रक्ते, कौसुम्भलाक्षिकादिषुः / शिवोऽस्य देवतेत्यर्थेऽण, शैवबौद्धार्हतादिषु // 108 // गृह्यते चाक्षुषं रूप,-मुह्यते चातुरं त्वनः / दार्षदाः सक्तवः पिष्टे, क्षुण्णे त्वौदूखला यवाः // 109 // समूहेऽणादयस्तत्र, शात्रवाश्वीयहास्तिकम् / ग्रामता रथकट्या च, वात्या वातूलराजकम् तद्वेत्त्यधीतेऽणिकणौ, वैयाकरणतार्किकौ / तस्येदमर्थे त्वदीयं, तावकीनं च तावकम् // 111 // तेन दीव्यति संसृष्टं, तरतीकण् चरत्यपि / / यथाऽऽक्षिकदाधिकौडु-पिकशाकटिकादयः // 112 // पण्यात् शिल्पानियोगाच्च, शस्त्रात् कीतादिकण् यथा / ताम्बुलिकमार्दङ्गिक,-शौल्कशालिकयाष्टिकाः // 113 // साहस्रिकश्च सार्पिष्क,-घातिकाद्यास्तु संस्कृते / उपमाने इवो वच्च, शशीव शशिवन् मुखम् .. // 114 // भवे येकणणाद्याश्च, वंश्यनागरिकार्तवम् / एवं दिवातनं सान्ध्यं, तत्र साधौ हिते च यः // 115 // सर्वेभ्यस्त्वतलौ ट्यण च, क्वापीमन् भाववाचकाः शुक्लत्वं शुक्लता शौक्ल्यं, शुक्लिमा शुक्लभाववत् // 116 // तदस्यास्तीति मत्वर्थस्तत्र स्यात् सर्वतो मतुः / / धनवान् बुद्धिमान् धीमान,-दन्तादिन् धनी गुणी // 117 // एवं यशस्वी प्रज्ञालः, कृषीवलमुखा अपि / प्रकृष्टेऽर्थे तरतमौ, संख्यायाः पूरणे त्वमी // 118 // द्वित्रस्तीयश्चतुःषड्भ्यां, थट् नान्तान्मट दशावधि / एकादशादेर्डश्चैको,-नविंशत्यादितस्तमट् // 119 // 324
