________________ एसो छटो वग्गो गुणियइ एएणं पंचमो वागो।। तत्थुप्पन्ना अंका गुणतीसं ते य रासिम्मि // 36 // छन्नवइयम्मि नेया दाहिणहुत्ता कमेणिमे सुणह। सत्त नव दुन्नि दुन्नि य अड इग छग दुन्नि पंचेव // 37 // इग चउर दुन्नि छच्च य चउ तिय सत्त पंच नव तिन्नि / पंच चउ तिन्नि नव पंच सुन्न तिय तिन्नि छच्चेव // 38 // एयाइ जहन्नपए समयक्खेत्तम्मि माणुसाइ धुवं / / सव्वजियाणं मज्झे जिणेहि थोवाइं भणियाई // 39 // समयक्खेत्ता बाहिं मणुयाणं नत्थि मरणउप्पत्ती। नेवऽत्थि बायरग्गी नेव य समयाइकालो वि // 40 // नीरोगिजोव्वणत्थस्स, पसंतस्स सरीरिणो / नीसासुस्सासए एगे, पाणुओ एस भन्नए // 41 // थोवे य सत्त पाणूहि, लवेण सत्त थोवए / मुहुत्ते सत्तहत्तरीए, लवाणं जिणदेसिए // 42 // मुहुत्तेऽणंतनाणीहि, ऊसासाणं वियाहिया / . तिसत्तरी सया सत्त, तहा य सहसत्तियं // 43 // अहरत्ते ऊसासा लक्खो तेरस सहस्स नउय सयं / मासे लक्खा तेत्तीस सहस पणनवइ सया सत्त // 44 // चत्तारि सया अडयाल सहस सत्तेव तहय लक्खा य / चतारि य किल कोडी ऊसासा हुंति वरिसम्मि // 45 // कोडिसयाइं चउरो सत्त उ कोडीउ लक्ख अडयाला। . सहसावि य चालीसं वाससए हुंति ऊसासा // 46 // घडियाणं इगवीसं लक्खा सहसा य सट्टि बोद्धव्वा / दो लक्खा पहराणं सहसट्टासीइ वाससए 22 // 47 //
