________________ स्वरूपार्पितदृष्टीनां शक्रत्वेऽपि स्पृहा न हि / स्वरूपानपितदृशां पदेऽल्पेऽपि महादरः . // 21 // अमादिभ्रष्टस्वात्मोत्थानन्दस्वादा हि दुर्धियः / मन्यन्ते विषयैस्तृप्ति जम्बालैरिव पोत्रिणः // 22 // प्रत्यग्ज्योतिःसुखास्वादनिष्ठनैष्ठिकदृष्टयः / विषयान् हन्त ! पश्यन्ति कुत्स्यवल्गवदप्रियान् // 23 // शुद्धं ब्रह्मेति संज्ञानसुधाकुण्डसमाप्लुताः / धौतकर्ममलाः सन्तो निर्वृति परमाश्रिताः // 24 // स्वरूपालम्बनान्मुक्तिर्नान्यथाऽतिप्रसङ्गतः / अहमेव मयोपास्यो मुक्ते/जमिति स्थितम् // 25 // यथैव पद्मिनीपत्रमस्पृष्टं तोयबिन्दुभिः / तथाऽत्माऽयं स्वभावेन न स्पृष्टः कर्मपुद्गलैः // 26 // सौख्यं सांसारिकं दुःखानुषक्तं व्यक्तमध्वनि / ग्रीष्मे पान्थस्य मध्याह्ने मरौ पङ् क्त्यैव खादतः // 27 // भोगेष्वश्रान्तविश्रान्तिधियः क्षेमङ्करी न हि / पन्नगीव नयत्येषाऽतुच्छां मूर्छा यदात्मनः // 28 // यदुच्चैः पदतः पातः सोऽनुभावो विभावजः / तत्रैवाविरतं सक्तिं श्रयन्नमपि खिद्यसे // 29 // वपुष्यहंधीनिगडेन कामं चिराय बद्धोऽसि महानुभाव ! / बोधस्वरूपोऽयमहं न देहीत्यवेत्य तं चिंद्रुघणेन भङ्ग्धि // 30 // नाहं वपुष्मान् न च मे वपुर्वा बोधोऽहमस्मि प्रकृतेविभिन्नः / इयाननेहा न मया व्यभावि गच्छनहो ! मोहविडम्बितेन // 31 // प्रकृतिगुणविरक्तः शुद्धदृष्टिर्न भोक्ता तदितर इह भोक्ता तत्स्वरूपानुरक्तः /
