________________ उपानद्वाहनच्छत्रशस्त्रच्छायाङ्गकुन्तलान् / चञ्च्वा चुम्बेद्यदा काकस्तदाऽऽसन्नैव पञ्चता // 642 // अश्रुपूर्णदृशो गावो गाढं पादैर्वसुन्धराम् / खनन्ति चेत्तदानीं स्याद्रोगो मृत्युश्च तत्प्रभोः // 643 // अनातुरकृते ह्येतच्छकुनं परिकीर्तितम् / अधुनाऽऽतुरमुद्दिश्य शकुनं परिकीर्त्यते // 644 // दक्षिणस्यां वलित्वा चेत् श्वा गुदं लेट्युरोऽथवा।। लाङ्गुलं वा तदा मृत्युरेकद्वित्रिदिनैः क्रमात् // 645 // शेते निमित्तकाले चेत् श्वा संकोच्याखिलं वपुः / धूत्वा कर्णौ वलित्वाङ्गं धूनोत्यथ ततो मृतिः // 646 // यदि व्यात्तमुखो लालां मुञ्चन् संकोचितेक्षणः / अङ्गं संकोच्य शेते श्वा तदा मृत्युन' संशयः // 647 // यद्यातुरगृहस्योर्ध्वं काकपक्षिगणो मिलन् / त्रिसन्ध्यं दृश्यते नूनं तदा मृत्युरुपस्थितः // 648 // महानसे तथा शय्यागारे काकाः क्षिपन्ति चेत् / चर्मास्थि रज्जु केशान् वा तदासत्रैव पञ्चता // 649 // अथवोपश्रुतेविन्द्याद्विद्वान् कालस्य निर्णयम् / प्रशस्ते दिवसे स्वप्नकाले शस्तां दिशं श्रितः // 650 // पूत्वा पञ्चनमस्कृत्याचार्यमन्त्रेण वा श्रुती / गेहाच्छन श्रुतिर्गच्छेच्छिल्पिचत्वरभूमिषु // 651 // चन्दनेनार्चयित्वा मां क्षिप्त्वा गन्धाक्षतादि च / . सावधानस्ततस्तत्रोपश्रुतेः शृणुयाद् ध्वनिम् // 652 // अर्थान्तरापदेश्यश्च सरूपश्चेति स द्विधा / विमर्शगम्यस्तत्राद्यः स्फुटोक्तार्थोऽपरः पुनः . // 653 // 100
