________________ अणभिग्गहिया भासा भासा य अभिग्गहम्मि बोद्धव्वा। संसयकरणी भासा वोयड अव्वोयडा चेव // 895 // कालतियं वयणतियं लिंगतियं तह परोक्ख पच्चक्खं / उवणयऽवणयचउक्कं अज्झत्थं चेव सोलसमं // 896 / / मासा य पंच सुत्ते नक्खत्तो चंदिओ य रिउमासो। आइच्चो वि य अवरोऽभिवडिओ तह य पंचमओ : // 897 // अहरत्त सत्तवीसं तिसत्तसत्तट्ठिभाग नक्खत्तो। चंदो अउणतीसं बिसट्ठिभाया य बत्तीसं // 898 // उउमासो तीसदिणो आइच्चो तीस होइ अद्धं च। अभिवडिओ य मासो चउवीससएण छेएणं // 899 / / भागाणिगवीससयं तीसा एगाहिया दिणाणं तु / एए जह निप्फत्तिं लहंति समयाउ तह नेयं // 900 // संवच्छरा उ पंच उ चंदे चंदेऽभिवड्डिए चेव / चंदेऽभिवड्डिए तह बिसट्टिमासेहिं जुगमाणं // 901 // माघवईए तलाओ ईसिं पब्भारउवरिमतलं जा। चउदसरज्जू लोगो तस्साहो वित्थरे सत्त . // 902 // उवरि पएसहाणी ता नेया जाव भूतले एगा। तयणुप्पएसवुड्डी पंचमकप्पम्मि जा पंच // 903 // पुणरवि पएस हाणी जा सिद्धसिलाए एक्कगा रज्जू / घम्माए लोगमज्झो जोयणअस्संखकोडीहिं // 904 // हेट्ठाहोमुहमल्लगतुल्लो उवरिं तु संपुडठिआणं। . अणुसरइ मल्लगाणं लोगो पंचत्थिकायमओ // 905 // तिरियं सत्तावन्ना उड्डे पंचव हुँति रेहाओ। पाएसु चउसु रज्जू चउदस रज्जू य तसनाडि // 906 // 77
