________________ चउभागं चउभागो तिन्नि य चउभाग पलियचउभागो। तिण्णेव य चउभागा चउत्थभागो य चउभागो . // 431 // तंबोल पाण भोयण पाणह थीभोग सुयण निट्ठवणे। मुत्तुच्चारं जूयं वज्जे जिणमंदिरस्संतो // 432 // खेलं केलि कलि कला कुललयं तंबोल मुग्गालयं, गाली कंगुलिया सरीसधुवणं केसे नहे लोहियं / भत्तोसं तय पित्त वंत दसणे विस्सामणं दामणं, दंतच्छी नह गंड नासिय सिरो सोतच्छवीणं मलं // 433 // मंतुम्मीलण लेक्खयं विभजणं भंडार दुट्ठासणं, छाणी कप्पड दालि पप्पड वडी विस्सारणं नासणं / अक्कंदं विकहं सरच्छघडणं तेरिच्छसंठावणं, अग्गीसेवण रंधणं परिखणं निस्सीहियाभंजणं // 434 // छत्तो वाणह सत्थ चामर मणोऽणेगत्त-मब्भंगणं, सच्चित्ताणमचाय चायमऽजिए दिट्ठीअ नो अंजली। साडेगुत्तरसंगभंग- मउडं मउलिं सिरोसेहरं, हुड्डा जिंडुहगिड्डियाइरमणं जोहार भंडक्कियं // 435 // रेकारं धरणं रणं विवरणं वालाण पल्हत्थियं, पाओ पायपसारणं पुडपुडी पंकं रओ मेहुणं / जूया जेमण गुज्झ विज्ज वणिजं सेज्जं जलं मज्जणं, एमाईयमवज्जकज्जमुजुओ वज्जे जिणिंदालएं . // 436 // आसायणा उ भवभमणकारणं इय विभाविउं जइणो। मलमलिण त्ति न जिणमंदिरम्मि निवसंति इय समओ // 437 // दुब्भिगंधमलस्सावि तणुरप्पेस पहाणियो। दुहा वायवहो वा वि तेणं ठंति न चेइए // 438 // .. . 37
