________________ पुव्वुप्पन्ना रोगा पसमंति 3 ईइ 4 वइर 5 मारीओ 6 / अइबुट्ठी 7 अणावुट्ठी 8 न होइ दुभिक्ख 9 डमरं वा 10 // 152 // देहाणुमग्गलग्गं ईसीभामंडलं दिणयराभं 11 / एए कम्मक्खइया सुरभत्तिकया इमे वऽन्ने // 153 // चकं 1 छत्तं 2 रयणज्झओ य 3 सेयवरचामरा 4 पउमा 5 / घउमुह 6 पायारतियं 7 सीहासण 8 दुंदुहि 8 असोगे 10 // 154 // कंटय हिट्ठाहुत्ता ठायन्ति 11 अवट्ठियं च नहरोमं 12 / पंचेव इंदियत्था 13 मणोरमा हुँति छप्पि रिऊ 14 // 155 / / गंधोदयं च वासं 15 वासं कुसुमाण पंचवन्नाणं 16 / सउणा पयाहिणगई 17 पवणऽणुकूलो 18 नमंति दुमा 19 / / 156 // भवणवइ वाणमंतर जोइसवासी विमाणवासी य / चिटुंति समोसरणे जहन्नयं कोडिमेत्तं तु // 157 // चउरो जम्मप्पभिई एक्कारस कम्मसंखए जाण। नव दस य देवजणिए चउतीसं अइसए वंदे // 158 // भवणवइ वाणमंतर जोइसवासी विमाणवासी य। .. सविड्ढिए सपरिसा कासी नाणुप्पयामहिमं // 159 // अभिंतर मज्झ बहिं विमाणजोइसवणाहिवकयाओ। पायारा तिन्नि भवे रयणे कणये य.रयए य // 160 // मणिरयणहेमया वि य कविसीसा अविय सव्वरयणमया। सव्वरयणामई च्चिय पडागधयतोरणविचित्ता // 161 // चेइयदुमपीढ़छंदय आसण छत्तं च चामराओ य / जंचऽन्नं करणिज्जं करिति तं वाणमंतरिया // 162 // बत्तीसं धणुयाई चेइयरुक्खो य वद्धमाणस्स। . सेसाणं तु जिणाणं ससरीरा बारसगुणो य // 163 // . . 230.
