________________ पिट्ठिकरंडसयाइं दो छप्पन्नाइं अवच्चपालणया। अउणावन्न दिणाई अट्ठमभत्तस्स आहारो // 12 // सूसमसूसमभावं अणुहवमाणाण जुयलधम्मीणं / तिरिया विय गयमाई एरिस नवरं छकोसुच्चा // 13 // सूसमअरओ बीओ तिकोडीउअयरपरिमाणो / दो पलिया दो कोसा परिमाणं जुयलदेहीणं // 14 // छट्ठस्स य आहारो चउसट्ठि दिणाण पालणा तेसिं / पिट्टिकरंडाण सयं अट्ठावीसं तु णेयव्वं // 15 // सूसमदूसम तइओ दुकोडिकोडीओ कालमाणेणं / गाउयउच्चा पलिओवमाउणो वज्जसंघयणा // 16 // चउसट्ठीपिट्ठिकरंडयाण मणुयाण तेसिमाहारो / भत्तस्स चउत्थस्स य उणसीइ दिणाण पालणया // 17 // अरएसुवि एएसुं तीसुं जुयलाई हुंति लोयाणं / दसविहकप्पद्रुमकयसमत्थभोगप्पसिद्धा उ // 18 // मत्तंगया य 1 भिंगा 2 तुडियंगा 3 दीव 4 जोइ 5 चित्तंगा 6 / चित्तरसा 7 मणियंगा 8 गेहागारा 9 अणिगिणा य 10 // 19 // मत्तंगेसु य मज्जं 1 सुहपिज्जं भायणाणि भिंगेसु 2 / तुडियंगेसु य तुडियाई हुंति बहुप्पयाराई 3 . // 20 // दीवसिहा 4 ज़ोइसनामगा 5 य एए करेंति उज्जोयं५ / चित्तंगेसु य मल्लं 6 चित्तरसा भोयणट्ठाए 7 // 21 // मणियंगेसु य भूसणवराई 8 भवणाइ भवणरुक्खेसु 9 / तह अणिइणेसु धणियं वत्थाई बहुप्पयाराई 10 // 22 // ओसप्पिणी इमीसे तइये अरयम्मि पच्छिमे भागे। पलिओवमट्ठभाए सेसम्मि उ कुलगरुप्पत्ती // 23 // ..225
