________________ // 1 // // 3 // // 4 // पू.आ.श्रीप्रद्युम्नसूरिविरचितः ॥विचारसारः॥ पणयजणपूरियासो भ(ग)यट्ठतासो गुणाण आवासो। उवसग्गवग्गनासो जयउ जए जिणवरो पासो मुणिरायतिलयभूओ अच्चब्भुयचरियकयचमकारो। सिरिधम्मघोससूरी वद्दियचूडामणी जयउ . . // 2 // तस्स य सीसों गुणरयणजलनिही लद्धिबुद्धिसंजुत्तो। पढमो बुहजणनिलओ पंडियपउमप्पहो जयउ चारित्तचक्कवट्टी खमदमसहिओ सहाइ मियवयो / सिरिदेवप्पहसूरी सुसिद्धहत्थो जए जयउ पज्जुन्नसूरिलिहियं वियारलेसं जिणाण समयाओ। नमिउं देवं सुगुरुं सपरत्थं ताण सीसेण सुयसायरो अपारो आउं थोवं वयं च दुम्मेहा / तं किंपि सिक्खियव्वं जं कज्जकरं च थोवं च // 6 // जिणसमयकाणणाओ सुमणं व विणित्तु सारमुवएसं / विरयामि जिणवयारं (इं) मालव्व हियट्ठिया सम्मं // 7 // अवि मंदरं पि चुन्निज्ज दढसिलाबंधणं पि सीसेणं / न य नीखयवक्खाणं तीरइ काऊण सुत्तस्स सव्वनईणं जा हुज्ज वालुया सव्वउदहि जं उदयं / तत्तो अणंतगुणिओ अत्थो एगस्स सुत्तस्स // 9 // अवसप्पिणी उवसप्पिणी छहि छहिं अरएहिं जंति दो कमसो दसभरहेरवएसु विदेहपणगे वि नो हुंति. // 10 // सूसमसूसमअरओ पढमो चउअयरकोडिकोडीओ। तत्थ नर तिकोसउच्चा तिपलियाऊ जुयलधम्मा // 11 // // 8 //
