________________ भयेन लोभेन परीक्षया वा, कारुण्यतोऽमर्षवशेन लोके / स्वकीर्तिप्रश्नार्थितया च दानं, नार्हन्ति शुद्धा मुनयः कदापि।। 98 // अनादरो 1 विलंबश्च 2, वैमुख्यं 3 विप्रियं वचः 4 / पश्चात्तापश्च संतापः 5, सद्दानं दूषयन्त्यहो // 99 // आनंदाश्रूणि 1 रोमांचो 2, बहुमान: 3 प्रियं वचः 4 / पात्रानुमोदना 5 चैतद्, दानभूषणपंचकं // 100 // नो द्रव्यतः केवलभावशुद्ध्या, दानं ददानो जिनदत्तसंज्ञः / श्रेष्ठी महालाभमवाप भावं, विना न चैवं किल पूरणाख्यः // 101 / / सर्वतीर्थकरैः पूर्वं, दानं दत्त्वादृतं व्रतं / तेनेदं सर्वधर्माणा-माद्यं मुख्यतयोच्यते // 102 // इत्थं व्रतद्वादशकं दधाति, गृही प्रमोदेन प्रतिव्रतं हि। पंचातिचारान् परिवर्जयंश्च, ध्रुवं यथाशक्त्यपि भङ्गषट्के // 103 // तेरस कोडिसयाई, चुलसीइजुयाइं बारस य लक्खा / सत्तासीइ सहस्सा, दो य सया तह दुरग्गा य // 104 // दसणवयसामाइय, पोसहपडिमा अबंभसच्चित्ते। .. आरंभपेसउद्दिट्ट, वज्जए समणभूए य // 105 // न चैत्यसाधर्मिकसाधुयोगो, यत्रास्ति तद्ग्रामपुरादिकेषु / युतेष्वपि प्राज्यगुणैः परैश्च, कदापि न श्राद्धजना वसंति // 106 // पाखण्डिपारदारिक-नटनिर्दयशत्रुधूर्तपिशुनानां / / चौरादीनां च गृहा-भ्यर्णे न वसन्ति सुश्राद्धाः // 107 // 'मातापित्रोभक्तः, कुलशीलसमैश्च विहितवीवाहः / दीनातिथिसाधूनां, प्रतिपत्तिकरो यथायोग्यम् // 108 // परिहरति जनविरुद्धं, दीर्घ रोषं च.मर्मवचनं च / इष्टः शत्रूणामपि, परतप्तिविवर्जको भवति // 109 // . .. 207
