________________ पुव्वंतर जम्मबहिं पुट्ठा जम्मंतरा बहिं वरुणं / तम्मज्झुत्तरबाहिं उईणमज्झा बहिं पुव्वं // 52 // पुव्वावरा छलंसा तंसा पुण दाहिणुत्तरा बज्झा। अब्भंतर चउरंसा सव्वा विअ कण्हराईओ . // 53 // पुक्खरिगारस तेरेव कुंडले रुअगि तेर ठारे वा। मंडलिआचलतिनिड मणुउत्तर कुंडलो रुअगो. // 54 // सत्तरसय इगवींसा बायालसहस्स चुलसिसहसुच्चा। चउसय तीसा कोसं सहसं सहसं च ओगाढा // 55 // भुवि दससय बावीसा मज्झे सत्त यसया उ तेवीसा। .. सिहरे चत्तारि सया चउवीसा मणुअकुण्डलगा // 56 // दससहसा बावीसा भुवि मज्झे सगसहस्स तेवीसा। सिहरे चउरो. सहसा चउवीसा रुअगसेलम्मि // 57 // रुअगे सिहरे चउदिसि बिअसहसेगिगचउत्थअट्ठ। विदिसिचऊ इअ चत्ता दिसिकुमरी कूड सहसंका // 58 // पढमो सीहनिसाई अद्धजवनिभो अ चउदिसि सिहरे। पन्नाई चउ जिणगिहो सयाइ चउचेइआ दुन्नि // 59 // तेवढे कोडिसयं लक्खा चुलसीइ वलयविक्खंभो। नंदिसटुमदीवो चउदिसि चउअंजणा मज्झे .. // 60 // गोपुच्छा अंजणमय चुलसीसहसुच्च सहसमोगाढा / समभुवि दससहसपिहू सहसुवरि तेसिं चउदिसिसु // 61 // लक्खंतरिआ चउ चउ वा वी दस दस य जोअणुव्विद्धा। लक्खं दीहपिहुच्चे तम्मज्झे दहिमुहा सोल // 62 // सहसोगाढा चउसट्ठिसहस्सुच्चा दससहस्स पिहुला य। सव्वत्थ समा पल्लयसरिसा रुप्पामया सव्वे // 63 // 16
