________________ थोवं थोवं धम्मं करेह जइ ता बहुं न सक्केह / पिच्छह महानईओ बिंदूहि समुद्दभूयाओ . // 96 // जं सक्कइ तं कीरइ जं च न सक्कइ तस्स सद्दहणा। सद्दहमाणो जीवो पावइ अयरामरं ठाणं // 97 // सव्वजगजीवहियओ हेऊ सव्वाण ऋद्धिलद्धीणं / उवसग्गवग्गहरणो गुणमणिरयणायरो धम्मो // 98 // जीवदयाइ रमिज्जइ इंदियवग्गो दम्मिज्जइ सया वि। सच्चं चेव वदिज्जइ धम्मरहस्सं मुणेयव्वं // 99 / / जिणपूआ मुणिसेवा दाणे तवनियमसीलसब्भावे / नाणे दंसण चरणे जइअव्वं दससु ठाणेसु // 100 // जंपिज्जइ पियवयणं किज्जइ विणओ अ दिज्जए दाणं / परगुणगहणं किज्जई अमूलमंतं वसीकरणं // 101 // अट्टेण तिरिअगई रुद्दज्झाणेण गम्मए नरयं / धम्मेण देवलोए सिद्धिगई सुक्कझाणेणं // 102 // सोऊण गई सुकुमालियाए तह ससगभसगभयणीए / ताव न वीससियव्वं सेअट्ठी धम्मिओ जाव // 103 // गणहर आहारग अणुत्तराई जाव वण चक्की वासु बला। मंडलिया जा हीणा छट्ठाणगया भवे सेसा // 104 / / नरगई पणिदी तस भव सन्नि अहक्खाय खइअसम्मत्ते / मुक्खो अणाहार केवल-दसणनाणे न सेसेसुं // 105 // आरंभे नत्थि दया महिलासंगेण नासए बंभं / संकाए सम्मत्तं पव्वज्जा अत्थगहणेणं // 106 // जे बंभचेरभट्ठा पाए पाडंति बंभयारीणं / ते हुंति टुंटमुंटा बोही पुण दुल्लहा तेसिं // 107 // 153
