________________ अमुगदिणम्मि य नियमा कायव्वोऽमुगतवो चउत्थाइ / हिटेण गिलाणेण व नियट्टियं तं जिणा बिति // 12 // अहवा चंदकलाणं वुड्डीहाणीहिं पक्खमुभयदिणे / जं कायव्वं णियतं तं पच्चक्खाणमनियट्टी ... // 13 // चउदसपुव्विसु जिणकप्पिएसु पढमम्मि चेव संघयणे / एयं वोच्छिण्णं चिय पायं थेराण मा विसयं // 14 // चउचत्ता आगारा तेहिं जुयं जं तमित्थं सागारं / आगारविरहियं पुण भणियमणागारयं नाम // 15 // चउयाला आगारा पुरिमड्डे सत्तेव छच्च उदगम्मि / एगो य चोलपट्टे विगईए हुंति चत्तारि // 16 // सोलस काउस्सग्गे छच्चेव य दंसणम्मि चत्तारि / एगासणम्मि भणिया अववायपरहि आगारा ... // 17 // महत्तरयागाराइआगारेहिं जुयं तु सागारं / जं किंचि पच्चक्खाणे अनसहदुगं पि कारिज्जा // 18 // दुब्भिक्ख-वित्ति-कंतार-गाढरोगाइए वि जं कुज्जा / संलेहणपमुएहिं तमणागारं जिणेहिं मयं / // 19 // दत्ती-कवल-घरोवहि-पेडाइ भिक्खदव्वजोगेहिं / जो भत्तपरिच्चायं करेइ परिमाणकडमेयं // 20 // असणं पाणं खाइम-साइममिह चउव्विहं पि वोसिरइ / सव्वं तं निरवसेसं सव्वं सविसेसमण्णं च // 21 // केयं गेहं सह तेण संकेयं केय चिंधमहवा जं। . साकेयं संकेयं संकियमासंकियं चउहा / / 22 // अद्धा कालो तस्स य पमाणमद्धं तु जं भवे तमिह / अद्धापच्चक्खाणं दसभेयं पवयणे भणियं // 23 // 136
