________________ तेरसकोडिसयाइं चुलसी इजुयाइं बारस य लक्खा। सत्तासीई सहस्सा दो य सया तह दुरुत्ता य: // 1350 // सव्वं पाणाइवायं अलियमदत्तं च मेहुणं सव्वं / / सव्वं परिग्गहं तह राईभत्तं च वोसरिमो -- // 1351 // सव्वं कोहं माणं मायं लोहं.च राग दोसे य। कलहं अब्भक्खाणं पेसुन्नं परपरीवायं // 1352 // मायामोसं मिच्छादसणसल्लं तहेव वोसरिमो। अंतिमऊसासम्मि देहं पि जिणाइपच्चक्खं // 1353 // छव्वय छकायरक्खा पचिंदियलोहनिग्गहो खंती। भावविशुद्धी पडिलेहणाइकरणे विसुद्धी य // 1354 // संजमजोए जुत्तय अकुसलमणवयणकायसंरोहो। " सीयाइपीडसहणं मरणंतुवसग्गसंहणं च // 1355 // धम्मरयणस्स जोगो अक्खुद्दो रूववं पगइसोमो। लोयप्पिओ अकूरो भीरू असठो सदक्खिन्नो // 1356 // लज्जालुओ दयालू मज्झत्थो सोमदिट्ठि गुणरागी। सक्कहसुपक्खजुत्तो सुदीहदंसी विसेसन्नू // 1357 // वुड्डाणुगो विणीओ कयन्नुओ परहियत्थकारी य। तह चेव लद्धलक्खो इगवीसगुणो हवइ सड्ढो . // 1358 // उक्किट्ठा गब्भठिई तिरियाणं-होइ अट्ठ वरिसाइं। माणुस्सीणुक्किट्ठे इत्तो गब्भट्ठिइं वुच्छं // 1359 // गब्भट्ठिइ मणुस्सीणुक्किट्ठा होइ वरिस बारसगं। . गब्भस्स य कायठिई नराण चउवीस वरिसाइं // 1360 // पढमे समये जीवा उप्पन्ना गब्भवास- मज्झम्मि / ओयं आहारता सव्वप्पणयाइ पूयव्व // 1361 // 114
