________________ अट्ठ उदीरइ सत्त उ अणाउ छव्विहमवेयणीआऊ / पण अवियणमोहाउग अकसाई नाम गोत्तदुगं // 1278 / / बंधे वीसुत्तरसय सयबावीसं तु होइ उदयम्मि। उदीरणाए एवं अडयालसयं तु सन्तम्मि - // 1279 // मोहे कोडाकोडीउ सत्तरी वीस नामगोयाणं / / तीसियराण चउण्हं,तेत्तीसऽयराई आउस्स . // 1280 // एसा उक्कोसठिई इयरा वेयणिय बारस मुहुत्ता। अट्ठट्ठ नामगोत्तेसु सेसएसु मुहुत्तंतो // 1281 // जस्स जई कोडिकोडीउ तस्स तेत्तिससयाई वरिसाणं / . होइ अबाहाकालो आउम्मि पुणो भवतिभागो // 1282 // सायं उच्चागोयं नरतिरिदेवाउ नाम एयाओ। मणुयदुगं देवदुगं पंचिंदिय जाई तणुपणगं - // 1283 // अंगोवंगतिगं पि य संघयणं वज्जरिसहनारायं / पढमं चिय संठाणं वन्नाइचउक्क सुपसत्थं. // 1284 // अगुरुलहु पराघायं उस्सासं आयवं च उज्जोयं / / सुपसत्था विहगगई तसाइदसगं च निम्माणं // 1285 // तित्थयरेणं सहिया पुनप्पयडीओ हुंति बायाला / सिवसिरिकडक्खियाणं सया वि सत्ताणभेयाउ // 1286 // नाणंतरायदसगं देसण नव मोहपयइ छव्वीसा / अस्सायं निरयाउं नीयागोएण अडयाला // 1287 // नरयदुगं तिरियदुगं जाइचउक्कं च पंच संघयणा / . संठाणा वि य पंच उ वनाइचउक्कमपसत्थं // 1288 // उवघाय कुविहयगई थावरदसगेण होति चोत्तीसा। सव्वाओ मीलियाओ बासीई पावपयडीओ // 1289 // 108
