________________ अंगुलअसंखभागो जहन्न भवधारणिज्ज पारंभे। संखेज्जा अवगाहण उत्तरवेउव्विया सा वि // 1158 / / किण्हा नीला काऊ तेऊलेसा य भवणवंतरिया। जोइससोहंमीसाण तेऊलेसा मुणेयव्वा // 1159 // कप्पे सणंकुमारे माहिदे चेव बंभलोए य। एएसु पम्हलेसा तेण परं सुक्कलेसाओ // 1160 // सक्कीसाणा पढमं दोच्चं च सणंकुमार माहिंदा / तच्वं च बंभलंतग सुक्कसहस्साय चउत्थिं // 1161 // आणयपाणयकप्पे देवा पासंति पंचमी पुढवीं। . तं चेव आरणच्चुय ओहिणाणेण पासंति . // 1162 // छट्ठि हिटिममज्झिमगेविज्जा सत्तमि च उवरिल्ला। संभिनलोगनालि पासंति अणुत्तरा देवा * // 1163 // एएसिमसंखेज्जा तिरियं दीवा य सागरा चेव / बहुययरं उतरिमया-उटुं च सकप्पथूभाई // 1164 // संखेज्जजोयणाइं खलु देवाणं अद्धसागरे ऊणे / तेण परमसंखेज्जा जहन्नयं पन्नवीसं तु। // 1165 // भवणवइवाणयराणं उर्दु बहुओ अहो य सेसाणं / जोइसिनेरइयाणं तिरियं ओरालिओ चित्तो // 1166 // भवणवणजोइसोहंमीसाण चउवीसई मुहुत्ता उ। उक्कोस विरहकालो सव्वेसु जहन्नओ समओ // 1167 // नव दिण वीस मुहुत्ता बारस दस चेव दिण मुहुत्ता उ। बावीसा अद्धं चिय पणयाल असीइ दिवससयं // 1168 // संखिज्जा मासा आणयपाणय तह आरणच्चुए वासा / संखेज्जा विनेया गेविज्जेसुं अओ वोच्छं / // 1169 // 8
