________________ तित्थयरा 1 जिण 2 चउदस 3 भिण्णे 4 संविग्ग 5 तह असंविग्गे 6 सारूविअ 7 वय 8 दंसण 9 पडिमाओ 10 भावगामाओ // 714 // चरणकरणसंपन्ना परीसहपरायगा महाभागा / तित्थयरा भगवंतो भावेण उ एस गामविही // 715 // जा सम्मभाविआओ पडिमा इअरा न भावगामो उ। भावो जइ नत्थि तहिं नणु कारणकज्जउवयारो // 716 // एवं खु भावगामो निण्हगमाई वि जइ मई तुब्भं / एअमवच्चं को णु हु अव्विवरीओ वदिज्जाहि ? // 717 // जइ वि हु सम्मुप्पाओ कासइ दट्ठण निण्हए हुज्जा / मिच्छत्तहयमईआ तहा वि ते वज्जणिज्जा उ // 718 // पुत्थयमच्छइ भारं दाऊण य पुत्थयं पि सत्थहयं / / कुव्वंतो निअअम्मं भज्जं कुज्जा वि निल्लज्जो // 719 // सिद्धंतो सुत्ताई वित्तिप्पमुहाई नेव सिद्धंतो। जिणपूआइ अहम्मो आयरिअपरंपरा असुहा // 720 // इच्चाइअ सिद्धते कत्थ वि नत्थेव किंतु विवरीअं। उभयं चिअ विवरीअं भासंतो भाससावि न किं // 721 // जं लोइअलोउत्तरमग्गा भट्ठो उ उभयभट्ट त्ति / लोअववहारबज्झो बज्झो निअमेण तित्था वि . // 722 // रायजुवरायपमुहा लिहिअं लहिऊण सेसघरसारं / परिवज्जंता कुसला किमेवमिह पुत्थया धम्मी? // 723 // अणुभूआणं देसो भासाविसओ वि तस्स वि अ देसो। लेहणविसओ हुज्जा लोइअववहारुदाहरणा // 724 // एवं जिणणायाणं भासाविसओ अणंतमो भागो। तस्स वि अप्पो भागो रइओ अंगाइपमुहेसु // 725 // ... 410
